Ўзбекистон Республикаси олий таълим тизимида молиявий мустақиллик: натижа ва хулосалар

Ўзбекистон Республикаси олий таълим тизимида молиявий мустақиллик: натижа ва хулосалар.

Доц.З.Жумақулов., доц.Қ.Қундузова.


Аннотация: Мақолада молиявий мусстақилликка ўтказилган олий таълим муассасаларининг бир йиллик тажрибаси натижалари молиявий-иқтисодий кўрсаткичлари асосида таҳлил этилиб тегишли хулосалар қилинган.
Аннотация: В статье на основе финансово-экономических показателей проанализированы результаты годичного опыта перехода вузов к финансовой независимости и сделаны соответствующие выводы.
Annotation: Based on financial and economic indicators, the article analyzes the results of a year's experience in the transition of universities to financial independence and draws the appropriate conclusions.
Таянч иборалар: молиявий мустақиллик, давлат бюджети, ривожлантириш жамғармаси, харажатлар гурухи.

Бизга маълумки, Ўзбекистон Республикаси Президентининг «Олий ва ўрта махсус таълим тизимига бошқарувнинг янги тамойилларини жорий этиш чора-тадбирлари тўғрисида» 2019 йил 11 июлдаги ПҚ-4391-сон қарорига мувофиқ Республикамиздаги 10 та олий таълим муасасаси 2020 йил 1 январдан бошлаб, тажриба-синов тариқасида ўзини ўзи молиялаштириш тизимига ўтказилди.

Биз ўз ишимизда ўзини ўзи молиялаштириш тизимига ўтказилган Олий ва ўрта махсус таълим вазирлиги тасаруфидаги 7 та олий таълим муассасалари хамда Фарғона давлат университетинг молиявий-иқтисодий кўрсаткичларининг таққослама таҳлилини қилишга харакат қилдик.
1-жадвал маълумотларидан кўринадики ОТМни бюджетдан молиялаштириш учун ажратилган маблағлар умумий маблағлар таркибида 2019 йилда 9.0 фоиздан 18,1 фоизгачани,ёки ўртача 14,8 фоизни, жумладан, ФарДУда эса 22,6 фоизни ташкил этган. 2020 йилда молиявий мустақилликка
эришилиши муносабати билан ЎзДЖТИ ва УрДУ дан ташқари барча ОТМда бюджет маблағлари улуши камайган ва ўртача 14,7 фоизни ташкил этган.