Turizm xizmatlarini litsenziyalashtirish, sertifikatlashtirish va standartlashtirish

---

TURIZM XIZMATLARINI LITSENZIYALASHTIRISH, SERTIFIKATLASHTIRISH 
VA STANDARTLASHTIRISH 
Reja: 
20.1. Turistik korxonalarga litsenziya olish uchun davlat tomonidan o‘rnatilgan talablar
20.2.«O‘zbekturizm» Milliy Kompaniyasining litsenziyalarni tekshirish jarayonidagi 
huquqlari
20.3. Turizmda sertifikatlashtirishning turlari 
20.4. Sertifikatlashtirishda davlat standartlaridan foydalanish 
20.5.Turizmda standartlashtirish jarayonining mazmuni va mohiyati
20.1. Turistik korxonalarga litsenziya olish uchun davlat tomonidan o‘rnatilgan 
talablar 
 
O‘zbekistonda turizm faoliyati litsenziyalanadi, hamda bu jarayonni o‘tkazish mexanizmi 
tegishli me’yoriy hujjatlar va qonun bilan belgilangan. Turizm biznesini tashkil etish uchun 
rasmiyatchilikni o‘ziga xos xususiyatlarini bilish zarur, jumladan, litsenziyalash sohasini va 
boshqa ruxsatnoma xilidagi hujjatlarni mukammal bilish talab etiladi. Qonunga ko‘ra litsenziya 
berish va uni bekor qilish yoki uning faoliyatini to‘xtatib qo‘yish, kabi harakatlar Vazirlar 
Mahkamasining Komissiyasi tomonidan qaror qabul qilinadi, uning bu boradagi ishchi organi 
funksiyasini «O‘zbekturizm» M.K bajaradi. Bunda asosiy talab–litsenziya tadqiqotchilari faqatgina 
yuridik shaxs bo‘lishi shart. Turizm faoliyatini amalga oshirish huquqi doimiy muddatga berilishi 
mumkin.
 Litsenziya olish uchun davlat tomonidan o‘rnatilgan talablar qo‘yilgan bo‘lib, ular 
qatoriga qo‘yidagilar kiradi: 

turizm to‘g‘risidagi qonunga, turizm sohasidagi O‘zbekiston Respublikasi standartlari 
va xalqaro standartlarga majburiy ravishda rioya qilish; 

huquqiy shaxs shtatida turizm sohasida maxsus ta’lim olgan yoki turizm sohasida 3 
yildan kam bo‘lmagan ish stajiga ega bo‘lgan, kamida bitta xodimning bo‘lishi. Shu tarzda turizm 
korxonasi tegishli bilim, malaka, ko‘nikmaga ega bo‘lgan soha mutaxassislari bilan aks ettirilishi 
zarur; 

yangi texnologiyani va boshqaruv tajribasini joriy etish bilan bog‘liq bo‘lganligi 
sababli sayohatlarni, ekskursiyalarni tashkil etish va ular bilan bog‘liq xizmatlar bilan bevosita 
band bo‘lgan huquqiy shaxs xodimlari har 3 yilda kamida 1 marta malakasini oshirish zarur; 

shakllangan nizom jamg‘armasida oilaviy tadbirkorlik uchun faqat mehmonxona 
xizmatlarini ko‘rsatishda eng kam ish xaqining 10 barobar miqdorida, ichki turizmda turoperatorlik 
xizmatini ko‘rsatish uchun eng kam ish xaqining 50 barobar miqdorida va barcha turdagi turizm 
faoliyat bilan shug‘ullanuvchilarga eng kam ish xaqining 400 barobaridan kam bo‘lmagan
miqdorida bo‘lishi kerak; 

mijozlar bilan ishlash va turmahsulotni ishlab chiqish mos ravishdagi ishchanlik 
muhitini talab etishi sababli xususiy yoki ijaraga olingan xizmat binosida tegishli jihozlarning 
mavjudligi; 

taqdim etiladigan turizm xizmatlariga muvofiqlik sertifikatlarining mavjudligi, chunki 
bu har qanday turga qonuniy tus berish va xavfsizlik talablari bilan bog‘liqdir; 

turizm xizmatlarini faqatgina mijoz bilan O‘zbekiston Respublikasi qonunlari 
talablariga mos ravishda shartnoma tuzilgandan keyingina ko‘rsatish mumkin.Boshqa holatlarda 
shartnoma huquqiy kuchga ega bo‘lmaydi va sud orqali bekor qilinishi mumkin; 

chet el davlatlariga tashrif buyurish, chiqish, kirishni o‘ziga xos xususiyatlari 
to‘g‘risida, turistik tashrif vaqtida va har bir aniq davlatga tashrif buyurishni boshqa qoidalarini 
o‘ziga xos xususiyatlari to‘g‘risida mukammal ma’lumotlarni belgilangan tartibda har bir turistga 
yetkazish; 

---


mijozga ish tartibi to‘g‘risida, uning huquqiy manzili, litsenziyaning mavjudligi, 
majburiy sertifikatlashga tortiladigan xizmatlar uchun sertifikatlarning mavjudligi, turizm 
faoliyatini aniq yo‘nalishlarini yuritish uchun javobgor bo‘lgan lavozimli shaxslarning familiyasi, 
ismi, sharifi haqida to‘la ma’lumot berish; 

turistlar xavfsizligini ta’minlash, jarohatlanganda, betob bo‘lganda va boshqa 
holatlarda tibbiy hamda boshqa birinchi yordam ko‘rsatish tizimining mavjudligi.