«тасдиқлайман» Бухоро давлат университети илмий ишлар ва инновациялар

«ТАСДИҚЛАЙМАН»
Бухоро давлат университети
илмий ишлар ва инновациялар
бўйича проректори
____________ О.С. Қаҳҳоров
“ ___ ” __________ 2021 йил


Бухоро Давлат университети ҳузуридаги PhD.03/27.02.2020.F.72.08 рақамли Илмий кенгаш қошидаги Илмий семинарнинг 7-сон мажлис Баённомаси
11 июнъ 2021 й. Бухоро шаҳри


ҚАТНАШДИЛАР: Илмий семинар раиси – ф.ф.д., проф. Н.О.Сафарова Илмий семинар котиби – ф.д(PhD)., доц. Ф.Д.Музаффаров.
Аъзолари: фал.ф.д., проф. Г.Н.Наврўзова, фал.ф.д., проф. Ҳ.Ю.Саломова., фал.ф.д., проф. Қ.Б.Шодмонов, фал.ф.д., проф. Р.Т.Шодиев, фал.ф.ф.д. (DSc) Г.С.Юнусова, фал.ф.н., доц. Б.Б Намозов, фал.ф.н., доц. О.Т.Шарипова, фал.ф.н., доц. Э.Х.Зоиров, фал.ф.н., доц. Н.Н.Тешаев, фал.ф.н., доц. М.Д.Пардаева, фал.ф.н., доц. И.М.Тўхтаров, фал.ф.н., доц. Х.Х.Раҳматова, фал.ф.ф.д. (PhD). Х.Ў.Саматов
К У Н Т А Р Т И Б И
1. Урганч Давлат университети мустақил тадқиқотчиси Адилов Зафар Юнусовичнинг 09.00.04 - Ижтимоий фалсафа ихтисослиги бўйича “Диний манбаларда экологик муаммолар ечими” мавзусидаги Фалсафа фанлари бўйича фалсафа доктори (PhD) илмий даражасини олиш учун тайёрлаган диссертацияси муҳокамаси.
Илмий маслаҳатчи: фалсафа фанлари доктори, профессор Х.Ю.Саломова
Тақризчилар: фалсафа фанлари доктори, профессор Р.Рўзиева ва
фалсафа фанлари доктори, доц. Г.С.Самиевна
СЎЗГА ЧИҚДИЛАР: Илмий семинар раиси проф. Н.О.Сафарова: - Ҳурматли илмий семинар аъзолари! 17 нафар илмий семинар аъзоларидан 15 нафари мажлисда иштирок этмоқда. Семинар аъзоларининг 2 нафари асосли сабаблар туфайли иштирок эта олмадилар. Кворум бор ва мажлисни очиқ деб эълон қилса бўлади.
Урганч Давлат университети мустақил тадқиқотчиси Адилов Зафар Юнусовичнинг 09.00.04 - Ижтимоий фалсафа ихтисослиги бўйича “Диний манбаларда экологик муаммолар ечими” мавзусидаги Фалсафа фанлари бўйича фалсафа доктори (PhD) илмий даражасини олиш учун тайёрлаган диссертацияси муҳокамаси.
Мазкур диссертация Урганч Давлат университетида бажарилган ҳамда 2019 йил 10-июн УрДУ “Ўзбекистонда демократик жамият қуриш назарияси” кафедраси илмий семинар йиғилишида муҳокама қилинган ва ҳимояга тавсия этилган. Диссертация Илмий Кенгаш йўлланма хати билан Илмий семинарга қабул қилинган. Диссертацияни муҳокама қилишга асос бўлган барча меъёрий ҳужжатлар ОАК Низоми асосида тайёрланган. Рухсат берсаларингиз сўзни тадқиқотчи ҳақида маълумот бериш учун семинар котиби О.Ф.Турсуновага берсак.
Илмий семинар котиби О.Ф.Турсунова: – диссертантнинг шахсий ва илмий фаолияти ҳақида қисқача маълумот бериб ўтди.
Адилов Зафар Юнусович 1968 йил 28-майда Хоразм вилояти Шовот туманида туғилган. 1997-йилда Тошкент Ислом институтини тугатган. 1999 йилдан 2004 йилгача Шовот тумани маънавият ва маърифат бўлими бош мутахассиси лавозимида ишлаган. 2004 йилдан 2006 йилгача УрДУ “Тарих” мутахассислиги бўйича магистратурани тугатган. 2006 йилдан 2015 йилгача Урганч давлат университети “Миллий ғоя, маънавият асослари ва ҳуқуқ таълими” кафедрасида катта ўқитувчи лавозимида ишлаган. 2015 йилдан 2019 йилгача Урганч давлат университети Тарих факультети маънавий-маърифий ишлар бўйича декан муовини лавозимида ишлаган. 2019 йил 3 сентябрдан Урганч давлат университети “Миллий ғоя, маънавият асослари ва ҳуқуқ таълими” кафедрасида катта ўқитувчи лавозимида фаолият юритмоқда.
Адилов Зафар Юнусовичнинг “Диний манбаларда экологик муаммолар ечими” мавзусидаги фалсафа доктори (PhD) илмий даражасини олиш учун ёзган диссертацияси мавзуси 2017- йил 25 декабрда Урганч давлат университети Кенгашининг 5-сон йиғилишида тасдиқланган ва ОАК Бюллетинининг 2018- йил 1-сонида эълон қилинган ва 166 рақам билан рўйхатга олинган.
Ушбу тадқиқот иши Урганч давлат университетида бажарилган ҳамда 2019 йил 10 июнда УрДУ “Ўзбекистонда демократик жамият қуриш назарияси” кафедраси илмий семинар йиғилишида (19-сон баённома) муҳокама қилинган ва ҳимояга тавсия этилган. Тадқиқотчи белгиланган малакавий имтихонларнинг барчасини топширган.
Тадқиқотчининг илмий раҳбари – фалсафа фанлари доктори, профессор Х.Ю.Саломова
Ҳозирги кунда “Диний манбаларда экологик муаммолар ечими” мавзусида фалсафа фанлари бщйича фалсафа доктори (PhD) илмий даражасини олиш учун ёзилган диссертацияси ишини якунлади.
З.Ю. Адилов 30 дан ортиқ илмий ишларни нашр эттирган бўлиб, шулардан, 5 та ОАК рўйхатидаги журналларда мақола, 1 та ОАК тавсия этган хорижий журналларда мақола ва 3 та ҳалқаро конференция ва кўплаб республика конференцияларда тезислар чоп эттирган.
Оилали, 4 нафар фарзанди бор.