Qurilish materiallari

Potok-agregat usulida hamma texnologik operatsiyalar-qoliplarni tozalash va moylash, armaturani joylashtirish, qoliplash, issiqlik bilan qayta ishlash, qoliplardan bo'shatish maxsus postlarda amalga oshiriladi. Maxsus postlar mexanizm va agregatlar bilan jihozlangan bo'ladi. Temirbeton buyum va konstruksiyalar qoliplar bilan birgalikda postdan postga transport vositalari yordamida ko'chiriladi. Postlarda bajariladigan texnologik operatsiyalarning turiga qarab ishlarni bajarish vaqti 2-5 minutdan 6-12 soatgacha bo'lishi mumkin.
Bu usulda texnologik siklni saqlash maqsadida uzoq davom etadigan murakkab operasiyalar bajariladigan postlarda mexanizm va agregatlar soni bir nechta bo'lishi va shunga binoan ishchi kuchi ko'proq bo'lishi kerak.
Potok-agregat usulida qolip va buyumlar postdan postga ko'prik krani yordamida ko'chiriladi. Bu usul texnologik jihatdan nisbatan murakkab bo'lib, katta ishlab chiqarish maydonlarini, yirik kapilal mablag'larni talab etadi. Bu usulda keng nomenklaturadagi temirbeton buyum va konstruksiyalar ishlab chiqariladi.
Potok-agregat usuli, odatda, yiliga 60-100 ming m³ buyum ishlab chiqaradigan o'rtacha quvvatdagi temirbeton zavodlarda ishla­tiladi.
Konveyer usulida temirbeton buyum va konstruksiyalar taglik-aravachalarda belgilangan qat'iy ritmda texnologik potok bo'ylab harakatlanadi. Bu usulda texnologik operatsiyalar har bir postda alohida-alohida bajariladi. Postlar soni va texnologik uskunalar turi bajariladigan operatsiyalarning davomiyligi bilan belgilanadi.
Konveyer usulida tegishli postlarda zarur bo'lgan qismlar, yarim fabrikatlar: armatura karkaslari, beton qorishmasi, pardozlash qorishmalari va qoplash plitkalari texnologik operatsiyalarni bajarish
uchun tayyor holda bo'ladi va uzluksizlikni ta’minlaydi. Buyumlarni qayta ishlash kameralari gorizontat va vertical uzluksiz ishlaydigan kameralardan iborat. Konveyer usuli katta quvvatli bir xil tiplardagi buyum va konstruksiyalar ishlab chiqaradigan zavodlarda ishlatiladi.
Konveyer usuliga lkki yarusli prokat stanini misol qilib keltirish mumkin. Bu prokat stani (7.6-rasm) pulsatsiyalanuvchi ritm asosida harakatlanadigan qolip-vagonetkalardan iborat vertical tutash konveyerdir. Yuqori yarusda beton qorishmasini quyish va armaturani joylashtirish, buyum hamda konstruksiyalarni qoliplash va kalibrlash uchun mexanizm va agregatlar, pastki yarusda esa tirqish tipidagi issiqlik bilan ishlov berish kamerasi joylashgan. Buyum issiqlik bilan 4,5 soat davomida ishlov berilganda beton markadagi mustahkamlikning 70% ga erishadi. Prokat stani 18 minutga teng qa’tiy ritmda ishlaydi, qolipni postdan postga ko’chirish vaqti 10 minutni tashkil etadi.