Оғиз орқали регидратация ўтказиш Керакли жиҳозлар

Оғиз орқали регидратация ўтказиш
Керакли жиҳозлар: регидрон,20-22⁰С ли сув, ўлчов стакани, чашка, зарарсизлантирувчи эритма солинган идиш.
Керакли хомашё: дока ниқоб 1та, суюқ совун 3,0 мл, стерил қўлқоп 1жуфт.
Бажариш алгоритми:
1. Онага муолажани мақсади ва ўтказиш тартиби тушунтирилади;
2. Қўллар СанПиН № 0304-12 буйруғи асосида ювилади;
3. Стерил қўлқоплар кийилади;
4.Дока ниқоб тақилади;
5. Она ёки болага йўқотилган суюқлик ҳажмини ҳисоблаш ва уни қайд этиб бориш ўргатилади;
6. Бирламчи регидратацияни ўтказиш учун глюкоза-тузли эритма миқдори ҳисобланади:
7. I даражали эксикозда тайёр эритма дозаси 50 мл /кг тана вазнига ҳисобланади;
8.II даражали эксикозда -90мл/кг тана вазнига ҳисобланади;
9. Куруқ препарат кукунининг зарур миқдори аниқланади: 1 пакет қуруқ препарат 1 литр ёки 1/2литр сувда эритилади;
10. Кукун зарур бўлган миқдордаги қайнаган сувда эритилади;
11. Ўлчов стаканида тайёр эритманинг олдиндан ҳисобланган миқдори аниқлаб олинади;
12. Ўлчаб олинган миқдордаги эритма олдиндан тайёрланган идишга қуйилади;
13. Болага ичиш учун берилади;
14. Эксикоз даражасига қараб эритма 4 ёки 6 соат давомида чой қошиқда ичирилади: - I даражада бирламчи регидратация давомийлиги 4 соат, II даражада – давомийлиги 6 соат.
15.Суюқлик йўқотиш давом этаётган бўлса, унинг миқдори ўлчаб борилади ва қайд этилади;
16. 4 соат ( ёки 6 соат) дан кейин болани текшириш керак (катта лиқилдоқ ҳолати,
тери, шиллиқ қаватлар ҳолати ва ҳ.к);
17. Ҳолатнинг 3 хил варианти бўлиши мумкин: а) Эксикозни кучайиши – эритмалар томир ичига юборилади. б) Эксикоз камайди, лекин ҳали сақланиб турибди – бунда 1-этап яна такрорланади.в) Эксикозни йўқолиши – бунда сақлаб турувчи регидратацияга ўтилади, яъни ҳар 4 ёки 6 соатда шу вақт мобайнида йўқотилган суюқлик миқдори энтерал йўл билан юборилади.
18. Боланинг қайт қилиши ва ичи суюқ келиши тўхтаганча регидратация давом эттирилади.
19.Резина қўлқоплар ва дока ниқоб ечилади;
20.Қўллар ювилади ва қуритилади;
21.Резина қўлқоплар 0,5% ли зарарсизлантирувчи эритмада зарарсизлантирилади (хлорамин, гипохлорид натрий, гипохлорид кальций, аналит, лизол);
22. Ишлатилган идишлар 45-50°Сли сувда ювувчи воситалар билан ювилади, 65°С ли сувда чайилади.