Оғиз орқали регидратация ўтказиш Керакли жиҳозлар

Даволовчи ҳукнани ўтказиш


Керакли жиҳозлар: фартук, йўргак, резина таглик, резина баллонча, газ чиқариш найчаси, сочиқ, вазелин, зарарсизлантирувчи эритма солинган идиш.
Керакли хомашё: дока ниқоб 1та, суюқ совун 3,0 мл, стерил қўлқоп 1жуфт.
Бажариш алгоритми:
1. Онага муолажани мақсади ва ўтказиш тартиби тушунтирилади;
2. Қўллар СанПиН № 0304-12 буйруғи асосида ювилади;
3. Стерил қўлқоплар кийилади;
4.Дока ниқоб ва фартук тақилади ;
5. Резина таглик тўшаб, усти йўргак билан ёпилади;
6. Болани қуритиш учун сочиқ тайёрлаб қўйилади;
7. Дори препаратини 37-38⁰С гача илитиб, резина баллончага тўлдирилади;
8. Газ чиқариш найчаси учига вазелин суртилади;
9.Болани чап ёнбошига ётқизиб, оёқларини тизза ва чаноқ-сон бўғимида букиб, қоринга келтириб ётқизилади;
Эслатма: 6 ойгача бўлган болалар орқаси билан ётқизилади ва оёқлари юқорига кўтарилади.
10.Боланинг думба оралиғини чап қўлнинг бош ва кўрсаткич бармоқлари билан очиб, шу ҳолатда ушлаб турилади;
11.Ўнг қўлда газ чиқарув найчанинг бўш турган учини маҳкам сиқиб, секинлик билан анал тешигига, яъни тўғри ичакка унинг 2/3 қисми киритилади. Аввал киндикка томон, сўнгра думғазага параллел ҳолда йўналтирилади;
12. Дори препарати тўлдирилган резина баллончанинг учини юқорига қилиб, ўнг қўлнинг бош бармоғи билан резина баллончанинг ости томонидан секин босилади;
13. Баллончанинг учи газ чиқарув найчанинг ташқаридаги учига киритилади ва резина баллончанинг тагидан секин босиб, дори юборилади;
14. Баллонча сиқилган ҳолатда газ найчасидан ажратиб олинади ва найчанинг бўш учи сиқиб турилади (резина баллонча ишлатилган материаллар учун қўлланиладиган лотокка ташланади);
15. Газ чиқарув найча оҳиста тўғри ичакдан салфетка оралиғида чиқариб олинади
(газ чиқарув найча ва салфетка лотокка ташланади);
16. Чап қўл билан бола думбаси 10 дақиқа қисиб ушлаб турилади;
17. Бола қорни билан ётқизилади;
18. Боланинг перианал соҳаси вазелин шимдирилган тампон билан артирилади;
19.Бола кийинтирилади;
20. Ниқоб, резина қўлқоплар ва фартук ечилади;
21.Қўллар ювилади ва қуритилади .
22.Ишлатилган жиҳозлар ва резина қўлқоплар 0,5% ли зарарсизлантирувчи эритмада зарарсизлантирилади (хлорамин, гипохлорид натрий, гипохлорид кальций, аналит, лизол)