«Метрология ва стандартлаштириш» фанининг мақсад ва вазифалари метрологиянинг аҳамияти «Метрология ва стандартлаштириш»

РЕЖА

• «Метрология ва стандартлаштириш» фанининг мақсад ва вазифалари

1

• Метрологиянинг аҳамияти

2

• «Метрология ва стандартлаштириш» фанининг ривожланиш тарихи

3

• Ўзбекистон Республикасининг “Метрология тўғрисида” ги қонуни

4
1-мавзу. МЕТРОЛОГИЯ БЎЙИЧА АСОСИЙ МАЪЛУМОТЛАР
1.1 “МЕТРОЛОГИЯ ВА СТАНДАРТЛАШТИРИШ” ФАНИНИНГ МАҚСАДИ ВА ВАЗИФАЛАРИ
“Метрология ва стандартлаштириш" фанини ўрганишдан мақсад: талабаларда халқ хўжалигининг техника, технология, менежмент ва маркетинг соҳаларидаги ишлаб-чиқариш, савдо, назорат ва истеъмол билан боғлиқ бўлган турли метрологик, сифат бошқаруви ва сертификатлаштириш бўйича масалалар билан шуғулланиш, ҳамда меъёрий ҳужжатлар ва стандартлар билан ишлаш борасида етарли билим ва малакаларни ҳосил қилишдан иборатдир.
1.1 “МЕТРОЛОГИЯ ВА СТАНДАРТЛАШТИРИШ” ФАНИНИНГ МАҚСАДИ ВА ВАЗИФАЛАРИ
Асосий вазифалари эса, талабаларни узлуксиз таълим тизимида “Метрология ва стандартлаштириш" фани бўйича кадрлар тайёрлашдан келиб чиқади. Бунда махсус фанлар доирасида ривожланувчи ва чуқурлашувчи метроло-гия, стандартлаштириш, квалиметрия, ўлчаш ва сертификатлаштириш бўйича фундаментал маълумотлар ўрганилади.
Инсон ақл-идроки, заковати билан ўрганаётган, шакллантираётган ҳамда ривожлантирган қайси фанни, унинг йўналишини олмайлик, албатта ўлчашларга, уларнинг турли усулларига, ўзаро боғланишларига дуч келамиз. Бу ўлчаш усуллари ва воситалари ёрдамида уларнинг бирлигини, ягона ўлчашни талаб этилган аниқликда таъминлаш метрология фани орқалигина амалга оширилади. Шу сабабдан ҳозирдаги қайси бир фан, илмий йўналиш, у ҳоҳ табиий, ҳоҳ ижтимоий бўлмасин, албатта у ёки бу даражада метрология билан боғлиқ. Инсон қўли етган, фаолияти доирасига кирган аммо ўлчашлар ва уларнинг воситалари ёрдамисиз ўрганилган, изланган ҳамда кўзланган мақсадларга эришиш мумкин бўлган бирорта йўналиш йўқ. Шунинг учун ҳам метрология ва стандартлаштириш асосларини билиш, уни ўз мутахассислиги доирасида тушуниш ва амалий қўллаш техника ва технология соҳаларидаги бакалавриат таълим йўналишлари битирувчилари учун муҳим омиллардан бири бўлиб ҳисобланади.