Muqaddas ayol

Aim.Uz

MAVZU: “MUQADDAS AYOL”

“…Ayol o’tib borar… sho’x yurib Shamollarda soch yoygan ayol. Ich-ichida yo’lbars o’kirib, Sirtdan mayin jilmaygan ayol.”(“Ayol o’tib borar…” H.Xudoyberdiyeva)
Ko’xna sharq rivoyatlaridan birida aytilishicha, Xudo mukammal dunyo yaratishga ahd qilibdi. Tundan kunni ajratibdi, keyin suv, yer, o’simlik, jonivorlarni, oxirgi kuni esa erkakni yaratibdi. Borliq bir-biriga munosib ekanki, ularning mukammalligiga, xatto, Parvardigorning ham havasi kelibdi. Keyin qarasaki, erkakning jufti Ayol yo’q. Baxtga qarshi ilohiy loy ham tugab qolganmish. Shunda u oydan ayol jamolini, tundan qosh-u ko’zini, majnuntoldan sochini, kamalakdan rang va gullardan hid olib zuvalasini, kiyikdan nafislik va hurkaklikni, tongdan musaffolikni, vafodor sakdan sadoqatni, serfarzand bo’lsin deb baliqdan uvildiriq, deganlari kuy bo’lsin deb bulbuldan navo, xullas, hamma narsadan bir chimdimdan olib ayolni yaratibdi. Natijada mukammal dunyo bir kam dunyoga aylanibdi. Yolg’iz ayolgina mukammal yaratilibdi. Mukammallik nimada?

To’garagimiz mashg’ulotlarida mazkur savolga birgalashib javob topamiz. Dugonajon, mashg’ulotlarimizda qatnashing!
Sizni kutamiz!!!






MAVZU: “SARISHTA QIZ-FARISHTA QIZ”

“Ne’matim oshsin desang ust-ustiga,

Non uvog’in sochma oyoq ostiga! »
( Farididdin Attor)
Aziz qizjonlar, to talab oyog’i ranj-u mehnat tikoni bilan majruh bo’lmas ekan, visol qo’li maqsad gulining yoqasiga yetolmaydi, kishida kuchli intilish bo’lmaguncha, murodining oftobi Mashriq umidi ufqidan nur sochib chiqmaydi. Chunki, gul terish uchun tikon zaharini chekish lozim. Ranj chekmasdan turib, ganj eshigini ochish mumkin emas. Demak, maqsadga yetishmoq uchun tinimsiz say-u harakat qilmoq kerak.
Erinchoqlik va yalqovlik kishini yaxshi ishlar qilishdan qaytaradi, g’ayratni yo’qotadi, kasb-u kor bilan shug’ullanishdan qoldiradi. Ba’zi dangasa kishilar g’ayrat qilish va harakatni kuchaytirish o’rniga og’ir kunga tushib qolganda qo’lni qovushtirib, aybni taqdirga to’nkaydilar.