Muqaddas ayol

Dugonajon!
Sizga baxtli turmush qurish, quvonchli kelajak, sog’lom farzanlarga ota-ona bo’lish nasib etsin.

MAVZU: “GO’ZAL BO’LAY DESANGIZ”

“Atirgulga o’xsharmish bo’yim,

Atirgulga aylanmoq o’yim.
O’yim – qizil gulga aylanmoq,
Nigohlarga suygun boylanmoq…”
(To’rtlik. H.Xudoyberdiyeva)

Sizningcha pardoz nima? Ko’rkamlik va chiroy yaratish san’atimi? Yohud nafis bo’yoqlarda chizilgan chehra jozibasimi? Balki u kayfiyatni chog’lash yo bo’lmasa yuzni yoshartirish usulidir? Husn va malohat sehrini faqat oshiqlargina tushunib yetmog’i mumkin, degandi bir alloma. Ayol zotining betimsol nazokati va Orasta qizlari qadim-qadimdan insoniyatni hayratga slogan. Dunyodagi hech bir odam go’zal chehra sohibasi yonidan beparvo o’tib ketolmaydi.

Bugungi yoshlarimiz ko’proq oq, qora ranglarda kiyinishga moyil. To’g’ri bu ranglar ixchamlik, jiddiylik baxsh etadi. Ammo qadim-qadimlardan bizda ko’proq qizil, pushti, sariq, moviy liboslar kiyishgan. Quyoshli, gul gulzorli, bog’-bog’chali yurtimiz tabiatiga monand, ochiq ranglarda kiyinsak, ko’zimiz, qoshimiz qaroligi, yuzimiz tiniqligi aniq aks etadi. Yorqin ranglar hammani ulug’vor ko’rsatadi…
Dugonajon, o’zimiz go’zalmiz, yanada go’zalroq, maftunkorroq bo’lish uchun nimalarga e’tibor berishimiz kerak?




Keling bir baxslashaylik.

MAVZU: “SOG’ TANDA SOG’LOM AQL”

“Obod vatanning sog’lom farzandi,
Ochiqdir senga omad eshigi
Gar ko’ngling toza, tetik ruhiyat
Omad kaliti senda to abad”

Ibn Sinoning ta’rifiga ko’ra tarbiya uch ko’rinishda bo’lur. Birinchisi bu jismoniy tarbiya bo’lib, unga mashqlar, foydali harakatlar ila erishilur. Ikkinchi turdagi tarbiya bu aqliy tarbiya bo’lib, unga ma’rifat ila erishilur va uchinchisi ruhiy tarbiyakim, usiz inson kamoloti mukammal bo’lbmas.

Shunday ekan, inson komillikka erishish yo’lida o’zining jismoniy sog’lig’i haqida qayg’urishi va albatta sport bilan muntazam shug’ullanishi lozimdir. Bu borada yurtboshimiz mamlakat kelajagi jismonan sog’lom, aqlan yetuk va ruhan tetik bo’lgan barkamol yoshlar qo’lida ekanligini ta’kidlab o’tganlar.





Dugonajon, sport bilan shug’ullanishga vaqtingiz yo’qmi? Unda kunlik badantarbiyani kanda qilmang.