Kompetensiyaviy yondashuv. Shaxsga yo’naltirilgan texnologiyalar Reja: Kirish Asosiy qism

Kompetensiyaviy yondashuv. Shaxsga yo’naltirilgan texnologiyalar
Reja:
Kirish
Asosiy qism
I BOB Til ta’limida kompetensiyaviy yondashuv va kompetensiya tushunchasi.

1. 
   Til ta’limi tamoyillari va oʻzbek tilini oʻqitishda kompetensiyaviy yondashuv
   
2. 
   Lingvistik kompetensiya
   

II bob Shaxsga yo’naltirilgan texnologiyalar
2.1. Shaxsga yo’naltirilgan ta’lim texnologiyalarining turlari.
2.2. Ta’limning innovatsion shakllari.
Xulosa
Adabiyotlar

Kirish
Mavzuni dolzarbligi:Hozirgi kunda ta’lim sohasida “kompetensiya”, “kompetensiyaviy yondashuv”, “kompetentlilik” tushunchalari faol qoʻllana boshlandi. Tilshunoslikda ushbu atama ilk bor XX asr oʻrtalarida N.Xomskiy tomonidan qoʻllangan boʻlib, tilni ishlatish jarayonida faoliyatga yoʻnaltirilgan bilim, koʻnikma va malakalar majmui sifatida, ta’lim sohasida uni qoʻllash esa uning izdoshlari tomonidan Kompetensiyaviy yondashuv sifatida talqin etilgan boʻlib, kompetenlilik va Kompetensiyaviy yondashuv ta’limda natijaviylikni koʻrsatuvchi omillar sifatida qayd etilgan.
“Kompetensiya – (lot. sompetere – layoqatli, munosib boʻlmoq). 1) Muayyan tashkilot yoki mansabdor shaxsning rasmiy hujjatlarda belgilangan vakolatlari doirasi; vakolat. 2) SHaxsning biror-bir sohadan xabardorlik, shu sohani bilish darajasi”
“Kompetensiya – 1. Biror kishi yaxshi xabardor, omilkor boʻlgan soha; 2. yur. huquq (vazifa, ish) doirasi”.
“Kompetensiya – 1. Biror kishi yaxshi xabardor boʻlgan soha yoki masala; 2. Vakolat, huquq ixtiyor; yetarli ma’lumotga ega boʻlgan, puxta bilimli, yaxshi biladigan, bilimdon, xabardor, omilkor; 2) asosli, e’tiborli, moʻ’tabar; 3) Kompetensiyaga, ya’ni huquqqa ega boʻlgan; vakolatli;
Demak, ta’lim sohasida Kompetensiya soʻzini layoqat, kompetentlikni esa layoqatlilik deb, Kompetensiyaviy yondashuvni egallangan bilim, koʻnikma va malakalarni oʻz shaxsiy, kasbiy va ijtimoiy faoliyatlarida amaliy qoʻllay olish layoqatlarini shakllantirishga yoʻnaltirilgan ta’lim yoʻnalishi, deb tushunish maqsadga muvofiqligini koʻrsatadi.
Kompetentlik bevosita kasbga loyiqlik, oʻz sohasi boʻyicha egallagan bilim, koʻnikma, malakalaridan kasbi doirasida mustaqil ravishda amaliy foydalana olish va ijodiy munosabatini namoyon qila olish qobiliyatidir. Darhaqiqat, koʻp narsani bilsa-da, lekin ularni amaliy qoʻllay olmaydigan oʻquvchining jamiyatga ham, oʻziga ham foydasi tegmaydi. Nemis olimi Hilbert Meyer aytganidek, “kompetentli oʻquvchi “quruq bilim” sohibi boʻlib qolmasdan, balki oʻz bilimlaridan yuzaga kelgan vaziyatlarda yetarlicha foydalana oladi, xotirasida tez tiklanadigan bilimlar mazmuniga ega boʻladi”.