|
1
IBRAGIMOV NUTFILLO SALIMOVICH
DESTINATSION MENEJMENT:
davlat miqyosida turizmni bozor usulida boshqarish san`ati
2
Komila ayol,
Fotima ayaga
bag`ishlanadi.
3
Taqrizchilar:
BuxDU, “Iqtisodiy ta`lim va turizm” kafedrasi professori
i.f.d., B. N. Navro`zzoda
Buxoro muhandislik-texnologiya instituti
“Menejment” kafedrasi dotsenti
i.f.n., X.I. Mo`minov
“O`zbekturizm” milliy kompaniyasi
Buxoro mintaqaviy bo`limi boshqaruvchisi
Sh.R. Maxmudov
4
MUNDARIJA
KIRISH
1.BOB.
TURISTIK TAKLIF VA TALABNI UYG`UNLASHTIRUVCHI
VOSITA SIFATIDAGI “DESTINATSION MENEJMENT”NING
NAZARIY ASOSLARI
1.1 Davlat miqyosida turizmni rivojlantirishdagi yondashuvlarning
qiyosiy tafsiloti
1.2 “Destinatsiya” (sayohatgoh)ning menejment ob`yekti sifatidagi
tushunchasi, ichki tuzilishi va xususiyatlari
1.3 “Destinatsion menejment”ning mohiyati, funksional va virtual
tabiati
1. Bob bo`yicha xulosa
2. BOB.
O`ZBEKISTON
TURIZM
SOHASINI
BOZOR
IQTISODIYOTIGA
MOSLASHTIRISHGA
QARATILGAN
“SAYOHATGOHLASHTIRISH” SIYOSATINI AMALGA OSHIRISH
2.1. O`zbekiston turizm sohasining bozor iqtisodiyotiga o`tish
davridagi holati
2.2. Sayohatgohlashtirish bosqichlari, omillari va tamoyillari
2.3. Sayohatgohlarning mezonlarini ishlab chiqish
2. Bob bo`yicha xulosa
3.BOB.
O`ZBEKISTONDA SAYOHATGOHLARNI BOSHQARISH
TIZIMINI YARATISH
3.1. O`zbekistonda jozibador sayohatgohlarni shakllantirishning
transformatsion va innovatsion yo`llari
3.2. O`zbekistonda mahalliy va milliy sayohatgoh boshqaruvini
tashkil etish
3.3. O`zbekistonda destinatsion menejmentning elektron va mobil
axborot tizimini joriy etish.
3.bob bo`yicha xulosa.
5
KIRISH
Mustaqillikning dastlabki yillarida O`zbekiston Respublikasi
Prezidenti I.A. Karimov tashqi iqtisodiy faoliyatni tubdan isloh qilish
masalasiga e`tibor qaratib: “Eksport masalasida chuqur o`zgartirishlarni
amalga oshirish lozim. Xom-ashyoni eksport qilishdan ko`ra,
O`zbekiston uchun ko`proq naf keltiradigan yo`nalishlarga o`tish zarur.
Bular jumlasiga ... xalqaro turizmni rivojlantirish kiradi” [6, 15], deb
ta`kidlagan edi. O`zbekiston maqtansa arzigulik boy tarixiy va madaniy
o`tmishga ega bo`lib, uning jahon sivilizatsiyasidagi o`rni beqiyosdir.
Ushbu boy tarix va madaniyatni o`zida aks ettirgan 4000 dan ko`proq
me`moriy va arxeologik obidalar, Imom al-Buxoriy, Al-Xorazmiy, Abu
Rayhon Beruniy, Ibn Sino kabi mashhur insonlarning vatani bo`lganligi,
qolaversa, jannatmakon tabiat go`shalarining mavjudligi ko`pchilikda
shu o`lkaga tashrif buyurish istagini uyg`otishi tabiiy hol.
Ayni paytda O`zbekiston turistik o`lka sifatida xalqaro turistik
bozorlarda o`zining Buxoro, Samarqand, Termiz, Toshkent, Xiva,
Shahrisabz va boshqalar kabi qadimiy va navqiron durdona shaharlari
bilan mashhur bo`lib, “O`zbekturizm” milliy kompaniyasining (MK)
ma`lumotlariga qaraganda, 2013 yilda 1 977 600 xorijiy tashrif
buyuruvchiga xizmat ko`rsatilgan. Jahon turistik tashkilotining
ma`lumotlariga ko`ra, 2012 yilda dunyo miqyosida 1,035 mlrd. kishi
turli maqsadlarda sayohat qilib, turistik maqsad uchun 950 mlrd.
dollardan ko`proq mablag` xarajat qilgan.
Sayohat shunday o`ziga xos tijorat birligidirki, uni iste`mol qilgan
tashrif buyuruvchi, mustaqil iqtisodiy faoliyat olib boradigan
mehmonxona, restoran, transport, gid va hokazo xizmatlarni yetkazib
beradigan korxonalar faoliyati sifatiga alohida baho bermay, balki
umumlashtirgan holda sayohat faoliyati amalga oshgan hudud haqida
ma`lum xulosalarga kelib, qoniqish hosil qiladi yoki qilmaydi. Ya`ni,
sayohat
faoliyati
integratsiyalashgan
mahsulot
birligi
sifatida
iste`molchilar tomonidan qabul qilinadi va uni iste`mol qilish shu
yondashuv asosida amalga oshadi. Shunday ekan, zamonaviy turistik
o`lkalar xalqaro bozorda boshqa turistik hududlar bilan munosib raqobat
olib boradigan, turistik oqimning barqarorligini ta`minlashga qodir
bo`lgan va undan samarali foydalanadigan, turistik hududning sifatini
kafolatlovchi nufuzga ega bo`lishiga erisha olgan milliy
turistik taklif
tizim
(TTT)
larini
shakllantirishlari kerak. Bizning fikrimizcha turistik
6
sohani samarali boshqarishda
Do'stlaringiz bilan baham: | 
