Гулмира Мусаева 909754355 1-саҳна Кун. Мансур аканинг уйи

Гулмира Мусаева
909754355


1-саҳна
Кун. Мансур аканинг уйи
Ташқаридан оддийгина кўринган ҳовлининг, замонавий жиҳозланган меҳмонхонаси. Мунисанинг фотиҳа тўйи бўлиб ўтди. Ёлғиз қизининг фотиҳасини ўтказган ота – Мансур аканинг кўнглини ҳам шодлик туйғуси, ҳам ғашлик туйғуси қамраб олган. У меҳмонхонада ўйчан ҳолда ўтирар эди. Хотини Мухлиса киради.
МУХЛИСА.
МАНСУР.
Мухлиса –Дадаси, нима қилиб ўтирибсиз?
Мансур – (Жим)...
Мухлиса – Ҳой дадаси, эшитяпсизми?
Мансур – Эшитяпман.
Мухлиса – Сизга нима бўлди, дадаси? Тобингиз йўқми? Ҳурсанд эмассиз? Аҳир тўй бошлаб кўйдик.
Мансур – Тўй?..Кўнглим ғаш! Ҳурсанд бўлишни ҳам, ҳафа бўлишни ҳам эплолмаяпман. Ҳамма қиз узатаётганлар ҳам шундай бўлармикан?
Мухлиса – Худо хохласа ҳаммаси яхши бўлади. Сиз қовоғингизни очинг. Биттагина қизимизни фотиҳа қилдик. Қанақа орзу-ҳаваслар билан кутганмиз, бу кунларни. Қудаларимиз баъмани одамлар ! Яхши жойлардан насиб қилди, дадаси...
Мансур – Илоҳим. Шундай бўлсин.
Мухлиса – Мени ошхонада қиладиган ишларим бор, бир иссиқ чой дамлаб келайми?
Мансур – Майли!
Мухлиса чиқиб кетади. Мансур ака яна ўйланиб қолади.



2-саҳна
Мансурнинг уйи. Мунисанинг хонаси.
БАХОДИР(овоз)об.
МУНИСА
МУХЛИСА


Муниса ўз хонасида Баходир билан уйларида нималар бўлаётгани ҳақида телефонда хабарлашиб, кулиб ўтирарди.
Баҳодир( овоз) – Мен танлаган торт ёқдими?
Муниса – Ҳа, жудаям.
Баҳодир – Тортнинг устидаги юракча, менинг юрагим. Уни сизга тортиқ қилдим. Эҳтиёт қиласиз деган умиддаман.
Муниса – Воой, раҳмат. Юракчани емас эканмизда- а?
Баҳодир – Енг, енг эҳтиёт қилиб енг! Ахир мен бу юрагимни асраб-авайлаб сизга тақдим қилганимни унутмассиз. Ҳа, айтгандай, сиз менга нима юбордингиз?