Гулмира Мусаева 909754355 1-саҳна Кун. Мансур аканинг уйи

Мухлиса – Ҳаа, шунақами?
Муниса – Ҳа ойижон, менимча хавотир олмасангиз ҳам бўлаверади.
Мухлиса – Даданг, кўнглим ғаш бўляпти деб, мени ҳам кўнглимни ғаш қилиб қўйдилар.
Муниса- Мени қўрқитманг, ойижон. Улар ҳатто мени ишлашимга ҳам қарши эмас эканлар-у.
Мухлиса – Шунақами? ... Бир оз кўнглимни хотиржам қилдинг, қизим.


7-саҳна
Холматнинг хонадони.
МАНСУР, МУХЛИСА.
ХОЛМАТ, МАСТУРА, НАРГИЗА


Дастурхон атрофида қудалар ўтирибди.
Мансур қўлидаги конвертни Холматга узатади.
Мансур – Анча мушкулимиз осон бўлди, қуда. Раҳмат, мана буни олиб қўйинг..
Холмат нима дейишини билмай бир қудаси Мансурга, бир хотини Мастурага қарарди. Энди оғиз жуфтлаган эдиям, конвертга кўзи тушган Мастура дарров уни олиб қўяди.
Мастура –Мен чойни янгилаб келаман.
Мастура ташқарига чиқиб пулни санайди. Эшикдан Холмат акани имлаб чақиради.
Мастура – Бу пуллар кам, биз саккиз минг ҳаражат қилганмиз, яна уч минг етмаяпти.
Холмат – Мени бу қилмишингга аралаштирма. Ўзинг бошладингми, марҳамат қилиб ўзинг охирига етказиб қўй, тушундингми?
Холмат ака юрагини ҳовучлаб, бошқа хонага кириб кетади.
Мастура –(ўдағайлаб) Ҳаммасини мен қилишим керак, бу уйда ким эркак ўзи?
Мастура минғиллаб Наргизанинг олдига кирди.
Мастура – Наргиза!
Наргиза – Лаббай , ойи!
Мастура – Ма, мана бу пулни яшириб қўй.
Наргиза – Қанақа пул?
Мастура – Мебелларингни пули. Яшириб қўй. Кейин мана бу чойнакдаги чойни янгилаб бер.
Наргиза – Хўп, ойи. Қанча экан?
Мастура – Кейин дедим-ку, чойни бер!
Наргиза – Хўп, мана.
Мастура опа чойни кўтариб меҳмонхонага йўл олади.
Мастура – Хуш келибсизлар, қудажонлар. Яхши ўтирибсизларми? Олинглар дастурхонга қараб ўтиринглар. Иссиқ чойдан ичинг қуда. (чой узатади)
Холмат ака эшикни очиб кириб келади.