Гулмира Мусаева 909754355 1-саҳна Кун. Мансур аканинг уйи

Наргиза – Бунча овқат бемаза бўлмаса.
Мастура – Эй, кўчадан асабийлашиб келиб, келиндан аламингни оляпсанми?
Наргиза – Тўғрисини айтдим, ойижон. Дазмол қилдингизми, кийимларни.
Мунисанинг томоғига овқати тиқилди.
Муниса – Эртага қилиб бераман.
Мастура – Эртага? Бугун нима иш қилдингиз? Бу уйда қиладиган ишнинг ўзи йўқ бўлса...
Муниса – Ҳалиги... дазмол ишламай қолди.
Наргиза – Сизники ишламаса, бошқа бериб кетдим-ку.
Муниса – У ҳам ишламаяпти?
Мастура – Нима? Униси ҳам бузилдими? Наргизани қўлида ишлаб турган дазмол, сизни қўлингизга тушиб ишламай қолдими?
Муниса индамайди.
Мастура- Қўлингиздан келгани бузиш эканда
Муниса – Ойижон, атайлаб қилмадим-ку.
Мастура – Биттаси майли, иккинчисини берса у ҳам ишламайдими?
Муниса – Уйдагиларга айтаман, олиб келадилар, ойижон. Мени кечиринг. Билмай қолдим.
Мастура – Нимани билмайсиз? Ойижонингиз билан дадажонингизни олдига бориб, ҳозир олиб келинг.
Муниса – Йўғ-э, ойижон. Уйга бормайман. Кеч бўлиб қолди.
Мастура – Нега бормас экансиз? Борасиз! Боринг чиқиб кетинг. Ҳайдасанг ҳам кетмайди-я.
Муниса – Ойижон... Ойим билан дадамга нима дейман.
Мастура – Боринг , боринг.
Муниса – Баҳодир акам келсалар, олиб бориб келадилар.
Наргиза – Чақма-чақарлик қилинг энди.
Мастура – Ўғлимга ёмон кўрсатмоқчимисиз?Туринг чиқиб кетинг.
Муниса йиғлаб туриб чиқиб кетади. Хонасига кириб Эрига қўнғироқ қилади. Аммо у кўтармайди.
Муниса – Кўтарсангиз-чи, ахир. Шу пайтда ҳам кўтармайдими. Энди нима қиламан? Кетмасам бўлмайди.
Муниса у-бу нарсасини йиғиб чиқиб кетади ва эшикдан кираётган Холмат акага йўлиқади.
Холмат – Ҳа, қизим? Шошманг-шошманг, нима бўлди? Қаёққа? Йиғладингизми?
Муниса – Уйга кетяпман.
Холмат – Шу маҳалда-я? Ота-онангизни ташвишга қўясиз.
Муниса – Ойижон...
Холмат – Хўш, нима деди?
Мастура опа чиқиб келади.
Мастура – Қўйинг, кетаверсин.
Муниса югуриб чиқиб кетади.
Холмат – Тўхтанг, қизим... шошманг... Нима бўлди ўзи?
Хонадан чиқиб келаётган Наргиза гапга аралашди.
Наргиза – Дазмолни бузиб қўйибди.
Холмат – Шунга шунча жанжалми? Онангни феъли-ку маълум. Сенчи, Наргиза? Бу бечора ҳам кимнидир қизи... Ўзингни тақдирингни бошқаларга раво кўрасанми?
Мастура – Сиз аралашманг.
Мастура эрига энса қотириб, ўтиб кетади
Наргиза ҳам индамай хонага кириб кетади.
Холмат – Ҳей, аҳмоқ хотин.