Гулмира Мусаева 909754355 1-саҳна Кун. Мансур аканинг уйи

12. Тун.Мансурнинг уйи.
МУНИСА, МАНСУР, МУХЛИСА


Отасининг уйига қайтган Муниса ўзининг хонасидан чиқмас эди.
Мунисанинг ота-онаси қизининг тақдири ҳақида бош қотирар эдилар.
Мухлиса – Дадаси нима қиламиз энди, қизим бечора йиғлайвериб шишиб кетди?
Мансур – Нима қилардинг. Эрталаб обориб қўймасак бўлмайди.. “Биздан ўтибди, узр” деймиз. Бошқа гап йўқми, ишқилиб?
Мухлиса – Йўғ-э, ҳеч гап йўқ дедику, қизингиз.
Мансур – Шу қуданг жуда молпараст шекилли-да? Битта дазмолга шунча тўполон чиқарбди. Уят-э. Кўнглим ғаш деганим эсингдами? (Хотира -8 эпизод машина салони)
Мухлиса – Хмм...
Мансур – Охири бахайр бўлсин-у, хавотирга тушиб қолдим.
Мухлиса – Ёлғизгина қизимизга куёв танлашда адашдикми, дадаси?
Мансур – Куёв эмас, қуда танлашда адашдикми-ёв?! ...Бўлар иш бўлди, қизингга қара, эртага олиб борадиган нарсаларингни тайёрла. Кечиктирмай ташлаб келамиз. Яхши бўлиб кетар. Қизингни олдига кир.
Мухлиса – Хўп, дадаси!
13-саҳна.
Кун. Холматнинг уйи.
МУХЛИСА, МУНИСА,
МАСТУРА.


Мухлиса қизи Мунисани келинлик уйига олиб келди.
Эшик тагида Мухлиса қудаси Мастура опа билан гаплашиб туради.
Мухлиса – Қудажон, қизимни кечиринг. Ёшлик қилиб қўйгандир. Мен узр сўрайман. Ёшларни иссиқ ўрнини совутмайлик. Нарса топилади. Сарпони камчилиги бўлса, биз тайёр, ҳаммасини етказамиз. Фақат сизлар аҳил оила бўлиб, яхшисини ошириб, ёмонини яшириб, она-бола бўлинглар.
Мастура - ...
Мастура опа индамайди.
Мухлиса – Қизим сен уйга кириб, юмушларингни бажаргин.
Муниса хонасига кириб кетади.
Мухлиса – Дадамиз кутяптилар, мен борақолай. Қудажон қизим сизга омонат.
Мухлиса гапни қисқа қилиб чиқиб кетади.
Мастура – (Ўзига-ўзи)Қизиқ экан-ку булар. Олиб кетишар деб кутиб ўтирмасдан ҳам ташлаб кетишаверарканда–а? Айтдимку, тор қорнига сиққан, кенг ҳовлисига сиғмайди деб. Мен қизимни хизматкор қилиб, хўрлашни бошлаганларида дарров олиб кеволгандим. Бу келин ҳам кўнглимга ўтирмади, ўтирмади
.
14-саҳна