Gaz taqsimlash va gaz iste’moli tizimlari xavfsizligi qoidalarini tasdiqlash to‘G‘risida

GAZ TAQSIMLASH VA GAZ ISTE’MOLI TIZIMLARI XAVFSIZLIGI QOIDALARINI TASDIQLASH TO‘G‘RISIDA Tayyorladi: Murodov Tohirbek Neʼmatjonov Sohibjon

Gaz taqsimlash va gaz iste’moli tizimlari xavfsizligi

• Gaz taqsimlash va gaz iste’moli tizimlari xavfsizligi
• QOIDALARI
• Mazkur Qoidalar O‘zbekiston Respublikasi “Xavfli ishlab chiqarish obyektlarining sanoat xavfsizligi to‘g‘risida”gi Qonuni (O‘zbekiston Respublikasi qonun hujjatlari to‘plami, 2006-y., 39-son, 386-modda) va O‘zbekiston Respublikasi Vazirlar Mahkamasining 2011-yil 11-maydagi 131-son “O‘zbekiston Respublikasi Vazirlar Mahkamasi huzuridagi Yer qa’rini geologik o‘rganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi tuzilmasini yanada takomillashtirishga doir chora-tadbirlar to‘g‘risida”gi qaroriga (O‘zbekiston Respublikasi qonun hujjatlari to‘plami, 2011-y., 19-son, 191-modda) muvofiq ishlab chiqilgan bo‘lib, Gaz taqsimlash va gaz iste’moli tizimlari xavfsizligi talablarini belgilaydi.
• I. Umumiy qoidalar
• 1. Mazkur Qoidalarda quyidagi asosiy tushunchalar foydalaniladi.
• Avariyaga qarshi himoya — gazni avariya yuz bergan vaqtda o‘chirish moslamasi.
• Blokirovka — xodimlar tomonidan xavfsizlik talablari buzilgan holatlarda yoki texnologik rejim buzilgan vaqtlarda gazni yoki texnologik qurilmani ishga tushirish imkonini bermaydigan uskuna.
• Gaz iste’mol qilish tizimlari — gazdan foydalanuvchi jihozlarda yonilg‘i sifatida gazdan foydalanish hamda uni yetkazib berishda tashkiliy va iqtisodiy o‘zaro bog‘liq obyektlardan tashkil topgan ishlab chiqarish hamda texnologik majmua.
• Gaz iste’moli tarmog‘i — bir ishlab chiqarish hududi (maydoni)da joylashgan ichki gaz quvurlari tarmoqlari, gaz jihozlari, xavfsizlik hamda gaz yonishi jarayonini boshqaradigan avtomatika tizimi, gazdan foydalanuvchi jihozlar, binolar va inshootlarni o‘z tarkibiga kiritadigan gaz iste’moli tizimining ishlab chiqarish va texnologik majmui.
• Gaz taqsimlash tarmog‘i — gaz taqsimlash tizimining aholi yashash joylari (shahar, qishloq va boshqalar)dagi, shu jumladan qishloqlararo tashqi gaz quvurlaridan iborat, gaz taqsimlash stansiyasi (GTS)ning chiqishdagi o‘chirish qurilmasidan yoki gazning boshqa tarmog‘idan gaz iste’moli obyektidagi kiruvchi gaz quvurigacha bo‘lgan texnologik majmuasi. Gaz taqsimlash tarmog‘iga gaz quvuridagi inshootlar, elektro kimyoviy himoya vositalari, gaz tartiblash punktlari (GTP) va shkafli gaz tartiblash punktlari (ShGTP) kiradi.