Balqan yarım atawında hám

Balqan yarım atawında hám Jer Orta teńizi atawlarındaǵı áyyemgi Greciya bolıp tabıladı. Arqa tárepinen tısqarı Áyyemgi Greciyanı Jer Orta teńizi suwları qorshap turadı.

Greciya aymaǵınıń úshten bir bólegin taw­lar iyeleydi. Greciyanıń eń biyik tawı Olimp. Bul taw eldiń arqa-shıǵıs bóliminde jaylasqan.

Ónimdarlı dalalar tek ǵana alaplarda bolǵan. Tawlar hár qıylı ósimlikler hám puta tárizliler menen qaplanǵan. Grekler ushın júdá qádirli bolǵan iyne japıraqlı toǵaylar Greciyanıń arqa tárepinde hám Pelopon­neste ósken. Grekler áyyemgi ótken zaman­larda diyqanshılıq hám sharwashılıq penen shuǵıllanǵan.