Balqan yarım atawında hám

Afina mámleketi

Orta Greciyanıń qubla-shıǵıs bóliminde tawlı Attika wálayatı jaylasqan yarım ataw bar edi. Eramızǵa shekemgi II mıń jıllıqta Attikanıń batıs bóleginde grekler «Akropol», yaǵnıy «Joqarǵı qala» dep atalǵan qorǵan quradı. Bara-bara Akropol átirapına adamlar kóship kelip jaylasa basladı, solay etip Afina qalası payda boldı.

Attika xalqı úsh úlken toparǵa bólingen edi, olardan: qullar, kóshpeliler (metekler) hám puqaralar. Ákesi hám anası azat afinalı bolǵan erkekler ǵana Afina puqarası bola alatuǵın edi. Afina mámleketiniń puqarası bolıw qalaberse paydalı edi.

Tek ǵana puqaralar barlıq huqıqlardan paydalanatuǵın edi. Olar sonday-aq awır miynet hám den sawlıqqa zıyan keltiriwshi jumıslardan azat etilgen.

Afina mámleketine gúmis kánleri ónimi hám duz qazıp alıw úlken payda keltiretuǵın edi. Afina teńiz awqamınıń bekkemleniwi me­nen teńiz sawdası da rawajlandı. Afinanıń tiykarǵı portına aylanǵan Pirey teńiz portınan elge mıńlap qullar hám hár qıylı tovarlar keltiriletuǵın edi.