Balqan yarım atawında hám

Civilizaciyanıń payda bolıwı

Biziń eramızǵa shekemgi II mıń jıllıqta qubla Greciyanıń hám Krit atawında dáslepki qala-mámleketler payda bola basladı: (Knoss, Miken). Krit atawında civilizaciya ápsanaǵa aylanǵan patsha Minos atı menen onı Minoy civilizaciyası dep ataǵan. Bunday civilizaciya kúshli jer silkiniw hám suw tasqınına sebep bolǵan vulkan atılıwı aqıbetinde wayran boldı. Kóp ótpey qayta tiklengen.

Eramızǵa shekemgi 1450–jılları konti­nenttegi Greciya aymaǵınan mikena qáwim­leri bastırıp kiredi, onıń tiykarǵı xalqın axeylar dep ataǵan. Sol axeylar Minoy civilizaciyasınıń qulawına alıp keldi. Eramızǵa shekemgi 1200–jılı doriylar Qubla Greciyaǵa bastırıp kirdi hám Miken mámleketin kúl-talqan etip, Sparta mámleketine tiykar saldı.