Anorganik kimyo

O’ZBEKISTON RESPUBLIKASI SOG’LIQNI SAQLASH
VAZIRLIGI
TOSHKENT FARMATSEVTIKA INSTITUTI


ANORGANIK, ANALITIK, FIZIK VA KOLLOID KIMYO KAFEDRASI
“ANORGANIK KIMYO”
fani bo’yicha ma’ruzalar matni
TOSHKENT-2015
Umumiy o’quv soati: sanoat farmatsiyasi -242
Jumladan: Ma’ruzalar-36
Amaliy mashg’ulotlar-36
Laboratoriya mashg’ulotlari-72
Mustaqil ta’lim soati -98

So’z boshi
Umumiy va anorganik kimyo bo’lajak dorishunoslar uchun juda kerakli fan hisoblanib , keyingi kurslarda boshqa kimyoviy fanlarni o’rganishda juda kerak bo’ladi. Ushbu ma’ruzalar matnida bo’lajak dorishunoslar uchun umumiy va anorganik kimyodan nazariy bilimlar keltirilgan bo’lib , ular asosida amaliy mashg’ulotlar o’tkazish uchun muhim xulosalar chiqarish imkoniyati yuzaga keladi.Ma’ruzalar matni farmasevtika institutlari farmasiya mutaxasisligi talabalari uchun mo’ljallangan bo’lib umumiy va anorganik kimyo fani dasturlariga mos keladi. Ushbu ma’ruzalar mualliflarning ko’p yillik umumiy va anorganik kimyodan olib borgan saboqlari va tajribalarining natijasidir.
Talabalarga yordam berish maqsadida har bir mavzuga oid nazariy bilimlar mukammalroq bo’lishiga harakat qilindi.Barcha ma’ruzalarni ikki qismga bo’lib ko’rsatish mumkin. Birinchi bo’limda umumiy kimyoning nazariy asoslari yoritildi.
Bu bo’limga anorganik moddalarning sinflanishi ham kiritilib, oksidlar, kislotalar, asoslar va tuzlar to’grisida ham ma’lumotlar berildi. Ikkinchi bo’lim anorganik kimyoga tegishli bo’lib bunda elementlar kimyosining nazariy asoslari berildi.
Barcha moddalarning xossalari va ahamiyatini farmasiya va dorishunoslik bilan uzviy bog’lanishini ochiqroq yoritishga harakat qilindi.Asosiy e’tiborni inson hayoti va oziqlanishi uchun muhim ahamiyatga ega bo’lgan kimyoviy elementlar va ularning birikmalari to’g’risida ko’proq ma’lumot berildi. Ayniqsa ko’p tonnali ishlab chiqaziladigan moddalarning bir necha olinish usullari ko’rsatilib ularning ichida iqtisodiy samaraliroq usullarga e’tibor qaratildi.
Ma’ruzalarda ba’zi anorganik moddalarning olinishida mahalliy xom ashyolar zahirasi va imkoniyatlariga ko’proq to’xtalindi. Ma’ruzalarda yuqori bosqichlarda o’qitiladigan analitik, organik, fizik, farmasevtik, biologik va toksikologik kimyo fanlarini o’zlashtirish uchun o’ziga xos zamin tayyorlandi.