Amaliy grafika va badiiy fotografiya

Mazkur tadqiqot ishi “Amaliy grafika va badiiy fotografiya” kafedrasida bajarilgan. Ushbu kafedraning 2022-yil 2-iyundagi 10-sonli majlisida muhokama etilgan va himoyaga tavsiya etilgan.

Taqrizchilar:
Ichki taqrizchi:	__________	Dotsent S.S.Pirmatov
Tashqi taqrizchi:	__________	O‘zbekiston Badiiy akademiyasi akademigi, O‘zbekiston san’at arbobi A.Mamadjonov
Magistratura bo‘limi boshlig‘i	__________	M.Umarxodjayeva
“Amaliy grafika va badiiy fotografiya” kafedrasi mudiri v.b	__________	R.T.Norchayev
Ilmiy rahbari:	__________	Dotsent K.M.Matmuratov

Himoya 2022-yil 6 iyul soat 14:00 da Kamoliddin Behzod nomidagi Milliy rassomlik va dizayn institutida o‘tkaziladi.

Manzil: Toshkent Shahar, Yakkasaroy tumani, Askiya ko’chasi,27-uy.


Magistrlik dissertatsiya annotatsiyasi
Mavzuning dolzarbligi: Hozirgi axborot texnologiyalari asrida har bir sohada bo’lgani kabi sahna dekoratsiyasi, tomosha sahnalarida ham zamonaviy texnologiyalardan foydalanish oldingi qatorlarga chiqqan. Eskicha yondashuvlardan farqli o’laroq bu kabi innovatsion texnologiyalar tomoshabinlarning e’tiborini ko’proq jalb etmoqda. Shuning uchun ham tomosha sahnalarida raqamli texnologiyalardan foydalanishni mavzuning dolzarbligi darajasiga olib chiqish mumkin.
Ishning maqsad va vazifalari: Bugungi kunda zamonaviy tomosha sahnalariga bo’lgan talab izchil sur’atlarda oshib bormoqda. Mazkur mavzuni yoritib berishdan ko’zlangan asosiy maqsad ham aynan zamon talablariga to’liq javob bera oladigan, yuqori texnologiyalar bilan jihozlangan raqamli tomosha sanalarini tomoshabinga taqdim etishdir. Bunda ijobiy va samarali ta’sir kuchiga egan sahnalarni namoyish etish mazkur taqdimotning vazifasiga kiradi.
Tadqiqot obyekti va predmeti: Tadqiqot obyekti sifatida mazkur ishning aynan dekoratsiya texnologiyalarini asosiy o’ringa olib chiqqanini olish mumkin. Predmeti sifatida esa, teatr va sahna dekoratsiyasi sohasining samaradorligini oshirish yo’lidagi harakatlarni va bu sohadagi zamonaviy texnologiyalar, grafik dizaynlardan foydalanishni tadbiq etishni ko’rsatib berishini olish mumkin.
Tadqiqot uslubiyati va uslublari: Tomosha sahnalarida axborot – kommunikatsiya texnologiyalaridan foydalanish zamon talabidir. Mazkur dekoratsiyalarning zamonaviy usullari va axborot – kommunikatsiya texnologiyalarini qo‘llamasdan turib ijobiy natijalarga erishib bo’lmaydi. Ammo bunda texnologiyaning maqsad va mazmuni, usul va vositalari hamda tashkiliy shakllarini to‘g‘ri tanlash muhim ahamiyatga ega. Axborotlar oqimining ortib borishi va texnikaning mukammallashishi bilan dekoratsiyani asosan an’anaviy usulda tashkil etish tobora murakkablashib bormoqda. Axborot-kommunikatsiya texnologiyalari vositalari tomosha sahnalarining ishlash jarayonida alohida ahamiyatga egadir.