6-Амалий машғулот Автопоездлар тиркамалар ва ярим тиркамалар Суюқ ва газ холатидаги юкларни ташишга мўлжалланган автомабиллар

6-Амалий машғулот
Автопоездлар тиркамалар ва ярим тиркамалар Суюқ ва газ холатидаги юкларни ташишга мўлжалланган автомабиллар.

Вазифаси ва турлари.

Автопоездлар ва тиркама-тортувчи автомобиль билан тортиш-тиркаш қурилмаси билан уланувчи транспорт воситасидир.

Автомобиль тиркамалари рақам ва харфлар Билан белгиланади. Биринчи рақам ўқлар сонини, харфлар эса тиркама турини (П-тиркама, Н-паст рамали, Т-оғир вазнли юкларни ташувчи, Р-ёйма тиркама, М-модернизация) ва охирги рақамлар ташиладиган юк массасини тонна хисобида билдиради. Масалан, 2-ПТ-10 русум қуйидагича таърифланади: икки ўқли, массаси 10 тонна бўлган оғир вазнли юкларни ташувчи тиркама.
Тиркамалар вазифасига кўра умумвазифали ва ихтисослаштирилган турларга бўлинади. Умумвазифали тиркамалар хар хил юкларни ташишга мўлжалланган бўлса, ихтисослаштирилган тркамалар эса муайян турли юкларни ташийди.

Икки ўқли тиркаманинг тузилиши 11.31-расмда келтирилган.

11.31-расм. Тиркаманинг тузилиши.
1-буриш араваси; 2-платформа; 3-тент; 4-захирадаги ғилдирак; 5-рама; 6-кетинги ўқ; 7-кетинги буфер; 8-тортиш-илаштириш қурилмаси.

Рама 5 бир-бири билан тўсинчалар ёрдамида уланган лонжеронлардан иборат. Ёнбош ташқи лонжеронларга, олдинги ва кетинги тўсинчаларга юк платформаси 2 тент 3 ва боғловчи устунчалар ўрнатилган. Раманинг олдинги қисмидаги тўсинчалар ва кучайтирувчи пластиналар буриш айланасини маҳкамловчи рамани ташкил этади. Олдинги тўсинчага буриш айланасининг стопор қурилмасини кронштейни пайвандланган. Ўнг томон лонжероннинг ўрта қисмига захирадаги ғилдиракни 4 ўрнатиш кронштейни пайвандланган. Рамани орқа қисмига остки рама ўрнатилган.

Остки рама тўсинчалар билан боғланган штампланган швеллер туридаги лонжеронлардан ташкил топган. Лонжеронларга рессора кронштейнлари парчин ёрдамида уланган ва осма силжишини чеклагичи пайвандланган. С- симон кесимли кетинги буфер 7 тирговичлар ёрдамида лонжеронларга пайвандланган. Охирги тўсинчага тортиш-илаштириш қурилмаси 8, кейинги тиркама билан боғловчи тормоз юритмасининг каллаги ва электр тизими ажратгичи ўрнатилган. Тўхтатиб туриш тормози юритмасининг кронштейни остки раманинг биринчи устунчасига ўрнатилган.
Раманинг орқа қисми рессоралар орқали кетинги ўққа 6 таянади, олди қисми эса остки рама, буриш араваси 1 ва рессоралар орқали олдинги ўққа таянади.
Буриш араваси рама, буриш қурилмаси, тиркаш қурилмаси – дўшло(шоти), стопор(маьлум вазиятда ушлаб туриш мосламаси) қурилмаси, ўқ ғилдираклар билан, осмалар, тормоз ва дўшло осмасидан иборат.