2-мавзу. Эҳтиёж фаолликни юзага келтирувчи туртки сифатида ва эҳтиёжни ўрганиш методлари. Режа

2-мавзу. Эҳтиёж фаолликни юзага келтирувчи туртки сифатида ва эҳтиёжни ўрганиш методлари.
Режа:
2.1.Эҳтиёж муаммоси.
2.2.Эҳтиёж ва зарурият тушунчаси.
2.3.Эҳтиёж ҳолат сифатида.
2.4.Эҳтиёжнинг биологик ва психологик компонентлари.Шахснинг иккинчи даражали эҳтиёжлари.
2.5.Эҳтиёжларнинг намоён бўлишининг ўзига хос характери.Шахснинг эҳтиёж-қадриятли жабҳасининг ўрганилиши.
Таянч сўз ва иборалар:
Эҳтиёж, зарурият, биологик ва психологик компонентлари,шахснинг иккинчи даражали эҳтиёжлари, қадрият.
2.1.Эҳтиёж муаммоси.
Эҳтиёжлар келиб чиқишига ва предметига кўра фарқланади. Келиб чиқишига кўра эҳтиёжлар ТАБИИЙ ва МАДАНИЙ бўлиши мумкин.
Табиий эҳтиёжларда кишининг ўзининг ҳаёти ва ўз авлодлари ҳаётини сақлаш ва давом эттириш учун зарур бўлган шарт-шароитларга боғлиқлиги ифодаланади. Барча одамларда овкатланишга, сув ичишга, қарама-қарши жинснинг мавжуд бўлишига, ухлашга, совуқдан ва ҳаддан зиёд иссиқдан сақланишга ва ҳокозоларга табиий эҳтиёж бўлади. Агар табиий эҳтиёжлардан биронтаси узоқ вақт давомида қондирилмасдан қолса одам мукаррар равишда халок бўлади ёки наслини давом эттириш имкониятидан маҳрум бўлади. Гарчанд табиий эҳтиёжлар (уларнинг сонига кўра) одамнинг ҳайвон аждодларидаги ва ибтидоий одамлардаги каби тарзда қолган бўлса ҳам, лекин улар ўз психологик моҳиятига кўра ҳайвонларнинг табиий эҳтиёжидан тубдан фарқ қилади. эҳтиёжларни қондиришнинг усуллари ва қуроллари ўзгарибгина қолмасдан, энг муҳими, эҳтиёжларнинг ўзи ўзгариб бормоқда.
Маданий эҳтиёжларда одамнинг фолияти инсоният маданиятининг маҳсулотлрига боғлиқ эканлиги ифодаланади; унинг илдизлар бутунлай кишилик тарихининг сарҳадларига бориб тақалади. У ё бу хилда таркиб топган маданият шароитларида бирон бир табиий эҳтиёжни қондириш воситаси бўлиб хизмат қиладиган нарсалар (санчқи ва қошиқ, овқатни эйиш учун ишлатиладиган чўплар) ҳам маданий эҳтиёжлар обЪекти ҳисобланади. Агар кишининг маданий эҳтиёжлари қондирилмаса у ҳалок бўлмайди (табиий эҳтиёжларни қондирилмаган шароитда ана шунака бўлиши мумкин эди), лекин ундаги одамийлик сифатлари жиддий зарарланади.
Эҳтиёжлар ўз предметининг характерга кўра МОДДИЙ ва МАЪНАВИЙ бўлиши мумкин.