10-мавзу Қуритиш ва намликни йўқотиш режа

10-мавзу Қуритиш ва намликни йўқотиш

РЕЖА

1.Қуритиш. Жараённинг характеристикаси. Нам материал классификацияси. Куритиш жараёни статикаси. Нам хавонинг хоссалари. 1-х диаграмма. Конвектив куритгичларнинг моддий ва иссикдик баланси. Назарий ва хакикий куритгич.

2.Куритиш кинетикаси. Жараённи харакатга келтирувчи кучи. Куритишнинг 1- ва 2- даврлари. Узгармас ва камаювчи куритиш тезликлари. Кинетик эгри чизиклар. Ностационар масса утказиш асосида 2-давр давомийлигини аниклаш. Конвектив куритгич конструкциялари ва классифика­цияси. Контактли куритгичлар. Куришнинг махсус турлари.

3.Турли хилдаги куритгичларни қўллаш сохалари ва иктисодий самараси. Мембрана усули билан ажратиш жараёнлари. Жараёнга турли факторларнинг таъсири. Ультрафильтрация ва кайтма осмос жараёнини саноатда куллаш. Мембрана турлари ва уларнинг говаклиги ва иш унумдорлигини хисоблаш. Жараён учун курилмани лойихалаш

Нам материалларни қуритувчи агент ёрдамида сувсизлантириш жараёни қуритиш деб аталади..

Материалларни уч хил усулда: механик, физик - кимёвий ва иссиқлик ёрдамида сувсизлантириш мумкин. Механик усул билан сувсизлантириш – таркибида кўп миқдорда сув тутган материалларни қуритиш учун ишлатилади. Бу усул билан сувсизлантиришда намлик сиқиш ёки центрифугаларда марказдан қочма куч ёрдамида ажратиб олинади.

Физик-кимёвий усул билан материалларни сувсизлантириш лаборатория шароитларида ишлатилади. Бу усул сувни ўзига тортувчи моддалар (масалан, сулъфат кислота, калъций хлорид) дан фойдаланишга асосланган. Ёпиқ идиш ичида сувни тортувчи модда устига нам материал жойлаштириш йўли билан уни сувсизлантириш мумкин.

Иссиқлик таъсирида сувсизлантириш (қуритиш) саноатда кенг ишлатилади. Қуритиш кўпгина ишлаб чиқаришларнинг охирги, яъни тайёр махсулот олишдан олдинги жараён ҳисобланади.

Қуритиш икки хил (табиий ва сунъий) йўл билан олиб борилади. Материалларни очиқ ҳавода сувсизлантириш табиий қуритиш дейилади, бу жараён узок вақт давом этади. Саноатда материалларни сувсизлантириш учун сунъий қуритиш усули ишлатилади, бу жараён махсус қуритгич қурилмаларида олиб борилади.