Zumradoylar davrasi

MAVZU: MEVALAR QAYNATMASI (KOMPOT) TAYYoRLASh.


Maqsad: Bolalarni ota-onaga, oshxona ishlariga yordam berishga oʻrgatish odatlantirish. Oʻzi qilgan ishining boshqalarga foydasi borligini bilishga, boshlagan ishini oxiriga etkazib bajarishga oʻrgatish.


Kerakli jixozlar: Turli xil mevalar yoki ularning quritilgani, suv, shakar, fartuk, sochiqlar, oʻlchov asboblari, sirli idish yoki bonka, maxsus qopqoq yopgich, AKT, mavzuga oid suratlar,.
Faoliyatning borishi:
Tarbiyachi: Qani bolalar bir birgalikda sizlar bilan bugun mevalar qaynatmasidan yaʼni olcha oʻrik mevalarining quritilganidan kompot tayyorlashni oʻrganamiz. Qarang bolajonlar ishni avvalo yozning oftobida quritib olingan mevalarni yaxshilab yuvib olishdan boshlaymiz. Mevalarni sirli idishga solib, ustidan suv va kerakli miqdorda shakar solib biroz qaynatib olamiz. Yoz kunlarida yesa oyijon va buvijonlarimiz bilan birgalikda mevalarni yuvib quritilgan bonkaga solib maxsus yopgich orqali qopqoqlarini bekitib olamiz. Mevalar qaynatmasi sogʻligimiz uchun judayam foydali boʻlgan vitaminlarga boydir. Kompotimiz tayyor boʻlgunga qadar sheʼr va maqollar yod olamiz.

Mohinur: Ona tabiat

Qish der – kumush qorim bor, qorbobo yasang,

Bahor der – gulim koʻrkam, guldasta yasang.
Yoz der – suvim begʻubor suz baliq misol,
Kuz der – meva bolim bor bari senga ol
Demak ona tabiat, bizni der har vaqt.

Bolalar mehnatning natijasini koʻrganda quvonishni, mehnatga toʻgʻri menosabatni tarbiyalash kabi tushunchalar mashgʻulot davomida singdirib boriladi. Bolalarda mustaqil boʻlish tuygʻusini tarbiyalash, oshxona asboblaridan ehtiyotkorona foydalanish alohida tushuntiriladi.

MAVZU: SOMSA TAYYoRLASh.


Maqsad: bolalarga somsa tayyorlash usulini oʻrgatish, somsa haqida tushunchalar berish. Mayda motorikani rivojlantirish somsa turlari haqida oʻrgatish. Somsani mehmondorchilikka qanday tortilishi qoidalari bilan tanishtirish.