Zumradoylar davrasi

MAVZU : OTA-ONAGA HURMAT


Maqsad: Bolalarga ota-ona eng qadrli inson ekanini tushuntirish. Ota-ona biz uchun eng aziz, eng yaqin kishilar ular farzandni dunyoga keltiradilar. Umr boʻyi farzand deb yashaydilar. Shunday ekan xar bir bola oʻz ota-onasini xurmatini joyiga quyish, ularning koʻnglini ogʻritmasligi kerak. Ular chaqirganda labbay, xoʻp boʻladi deyish, ularga salom berishni kanda qilmaslik, nasixatlariga quloq solish, ularni hurmat bilan oʻrindan turib qarshi olish, ota-onaning suhbatini buzmaslik, qilayotgan ishlariga koʻmaklashish, ularga toʻrdan joy berish, qoʻllariga suv quyish, sochiq tutish, yoʻl berish, yoʻllarini kesib oʻtmaslik, ota-ona ruxsatisiz uzoq joylarga ketmaslik, ularga yolgʻon gapirmaslik lozimligi, farzand oʻzini yaxshi odobi bilan ota-onasiga raxmat keltirishini tushuntirish.
Kutilayotgan natija: Bolalar muloyimlik bilan gapirishga, ota-onalarining iltimoslarini, topshiriqlarini bajarishga, koʻrsatmalariga quloq solishga oʻrganadilar.
Kerakli jixoz: Mavzoʻ boʻyicha rasmlar, tarqatmali materiallar, sochiq , suv.
Faoliyatning borishi: Tarbiyachi: Assalomu alaykum mening jajji zumradoy qizlarim. Bugun sizlar bilan ota-onaga xurmat mavzusida suhbatlashamiz.
Tarbiyachi: Bolalar dunyoda eng yaqin kishingiz kim?
Bolalar: Dunyoda eng yaqin kishimiz ota-onamiz.
Tarbiyachi: Juda toʻgʻri , ota-ona dunyodagi eng aziz va eng yaqin kishimiz. Ota-onalar oʻz farzandlarini juda yaxshi koʻradilar. Siz xam ota-onangizni yaxshi kurasizmi?
Bolalar: Xa yaxshi koʻramiz. Ularni hurmat qilamiz.
Tarbiyachi: Barakalla bolajonlarim biz ota-onalarimizga salomni kanda qilmasligimiz, soʻzlarini qunt bilan tinglashimiz, nasixatlariga quloq solishimiz, ularga injiqlik qilmasligimiz kerak. Ota-onasini yaxshi koʻradigan bolalar ota-onalariga muloyimlik bilan gapiradilar. Ota-onalarining iltimoslarini va topshiriqlarini bajaradilar. Aytgan gaplariga quloq soladilar. Ota-onalari chaqirganda labbay , xoʻp boʻladi deb javob beradilar. Ularni hurmat bilan oʻrindan turib qarshi oladilar. Qilayotgan ishlariga koʻmaklashadilar. Mana bu koʻrib turgan soʻratingizdagi qizaloq ham mana shu xislatlarga ega. Qani qizaloqlarim ota-ona xaqida yod olgan sheʼrlarimizdan kim aytib beradi?
Lola: Ota-ona ikki soʻz
Biri qoshu biri koʻz
Bir-biridan qimmatli
Mehri daryo ximmatli
Ular oʻzin oʻylamas
Farzandi sogʻ boʻlsa bas

Malika: Goh yiqilib tursa ham

Gohi yigʻlab kulsa ham
Hammasiga chidarlar
Bular qoʻshsha chinorlar
Tarbiyachi: Bolalar endi diqatingizni kompyuterga qarating. Sizlarga hozir bir qizaloq xaqida xikoyani tomosha qilamiz. Qani bolajonlar qizaloq nima uchun koʻchadan kech keldi?, Qizaloq nima uchun oyisidan kechirim soʻradi? Siz koʻchada qanday oʻynaysiz? Siz ham koʻchadan kech kelganingizda siz oyingizdan kechirim soʻraysizmi?
Bolalar javobi:

Tarbiyachi: Keling bolalar odob bilan kattalar qoʻliga suv qoʻyishni oʻrganamiz .

Bolalar berilgan topshiriqni bajaradilar.

Tarbiyachi: Barakala bolajonlar, mana bugungi faoliyatimizda barchangiz yaxshi qatnashdingiz.