Zumradoylar davrasi mashg'ulot ishlanmasi “odobnoma” mavzu: odob salomdan boshlanadi maqsad

Til va Nutq faollik markazi; Fan va tabiat markazi;

Kutilayotgan natija: O‘simlik qalamchadan ham o‘sib chiqishi mumkinligi to‘g‘risida tushunchaga ega bo‘ladilar. Qalamchani tuproqqa to‘g‘ri o‘tkazishni o‘rganadilar.

Mashg‘ulotga tayyorgarlik. 6—8 ta bola stol atrofiga o‘tqaziladi. Stol ustiga oldindan tuvak, qum, tuproq, cho‘mich, ko‘rakcha, tayoqcha, idishda suv, o‘simlikning qalamchasi, shisha banka tayyorlab qo‘yiladi.

Mashg‘ulotning borishi.Tarbiyachi bolalarga savollar berish orqali suhbat o‘tkazadi. «O‘simlikni nimadan o‘stirish mumkin?». (Urug‘idan, danagidan, mevasidan, shoxidan, bolachasidan va h. k.) «O‘simlikni o‘stirishning yana qanday usullari bor?» «Mana bu meni oldimda to'rgan nima?» (Qalamcha.) «Qaysi o‘simlikning qalamchasi?» (Bolalar javoblari) «Hozir yilning qaysi fasli?» (Bahor.) «O‘simliklarda qanday o‘zgarishlar yuz beradi?» (Bolalar javoblari) To‘g‘ri, bolalar o‘simliklar o‘sa boshlaydi, shuning uchun ularni ko‘paytirish mumkin.

Bolalar, bugun biz sizlar bilan qalamchalar o‘tqazamiz va ularni parvarish qilib boramiz. Sizlar menga diqqat bilan qarab turinglar. Men sizlarga qalamchani o‘tqazishni o‘rgataman (tarbiyachi bolalarga tushuntiradi va ko‘rsatadi). Endi sizlar oldingizda to'rgan tuvaklarga qalamchalaringizni men ko‘rsatgandek qilib o‘tqazing.

Keyin hamma bolalar o‘z tuvaklarini oynak oldiga oldindan tayyorlab qo‘yilgan shisha taglikka joylashtiradilar.

Tarbiyachi ularni har kuni kuzatib parvarish qilib borish kerakligini tushuntiradi va qalamchalarda yangi barg paydo bo‘lgandagina qalamchalar ildiz chiqara boshlashini tushuntiradi. Keyingi kunlarda bolalar unga suv qo‘yib parvarish qilib boradilar. Qalamchalar yangi barg chiqargandan keyin, yangi qalamchalarni o‘tqazish mumkin. Navbatdagi mashg‘ulotda tarbiyachi hamma narsalarni tayyorlab beradi, ammo o‘tqazish qonun qoidasini bolalarga ko‘rsatib, tushuntirmaydi, ammo savollar orqali ish jarayonini va tartibini aniqlab boradi.

Yakuniy kism: Bolalarni o‘simliklar nimadan o‘sib chiqishi to‘g‘risidagi tasavvurlarini aniqlash. O‘simlik qalamchadan ham o‘sib chiqishi mumkinligi to‘g‘risida tushuncha berish. Qalamchani tuproqqa to‘g‘ri o‘tkazishga o‘rgatish. «Qalamcha», «Qalamchalash» tushunchalarini mustahkamlash