|
MUNDARIJA
Кириш……………………………………………………………..….….………..3
1. АТ Халқ банки Чилонзор тумани филиалининг умумий таърифи............…5
2. Банк тизимида пенсия бўлими ахборот тизимида ечиладиган масалаларнинг иқтисодий моҳияти ва мазмуни .......................................…….15
3. Масаланинг ахборот таъминоти таркиби ва мазмуни……………………...18
4.Масалаларни ечиш учун керак бўладиган дастур таъминоти……………....19
5.Банкда ахборотни қайта ишлаш технологияси ………….………………...22
6. Банкда ахборот тизимини такомиллаштиришнинг асосий йўналишлари...23
Хулоса ва таклифлар……………………………………..…………...............…27
Фойдаланилган адабиётлар рўйхати……………………..…………............…..29
Иловалар.................................................................................................................33
Кириш
Ахборот-коммуникацион технологиялари ва уларни амалга ошириш воситаларини жуда тез ривожланиши информацион жамиятнинг шаклланишини олдиндан белгилаб беради. Бундай жамиятда инсон фаолиятининг ҳамма соҳаларида меҳнат қилаётганларнинг мутлақ кўпчилиги ахборотларни ишлаб чиқиш, сақлаш, қайта ишлаш ва унинг энг юқори шакли-билимларни тарқатиш билан шуғулланади.
Бизга маълумки, банклар, асосан, жамиятдаги бўш пул маблағларини жамлайдилар ва бу пулларни иқтисодиётнинг энг самарали соҳаларига жойлаштирадилар. Шундай экан, ҳозирги шароитда банклар мамлакатимиз иқтисодиётининг қон томирлари - Президентимиз таъбири билан айтганда “локомотиви” ҳисобланади.
Бу борада, муҳтарам Президентимиз Шавкат Мирзиёев ўз маърузасида банк тизими ва бозор инфратузилмасининг бошқа органлари фаолияти самарадорлигини ошириш ҳам долзарб масала бўлиб қолаётганини таъкидлаб, қуйидагиларга тўхталди:
“Банкларнинг бош вазифаси - бундан кейин ўз иш услубларини ўзгартириб, фуқароларимиз ва тадбиркорларнинг ҳақиқий ишончини қозонишга ва уларга ҳақиқий кўмакдош бўлишга эришишдан иборат. Шу боис давлат банклари олдига қуйидаги вазифалар қўйилмоқда. Банклар ҳар бир оила билан мулоқот ташкил қилиш орқали фуқақоларнинг тадбиркорлик билан шуғулланиши учун қулай имкониятлар яратиши керак”. Шу мақсадда тижорат банклари ва уларнинг жойлардаги филиаллари, ўз имкониятларидан келиб чиқиб тадбиркорларга молиявий кўмак ва мадад беришни зиммасига олади.
Мамлакатимизда рақамли иқтисодиётни фаол ривожлантириш, барча тармоқлар ва соҳаларда, энг аввало, давлат бошқаруви, таълим, соғлиқни сақлаш ва қишлоқ хўжалигида замонавий ахборот-коммуникация технологияларини кенг жорий этиш бўйича комплекс чора-тадбирлар амалга оширилмоқда.
Хусусан, электрон ҳукумат тизимини такомиллаштириш, дастурий маҳсулотлар ва ахборот технологияларининг маҳаллий бозорини янада ривожлантириш, республиканинг барча ҳудудларида ИТ-паркларни ташкил этиш, шунингдек, соҳани малакали кадрлар билан таъминлашни кўзда тутувчи 220 дан ортиқ устувор лойиҳаларни амалга ошириш бошланган Бундан ташыари, 40 дан ортиы ахборот тизимлари билан интеграциялашган геопортални ишга тушириш, жамоат транспорти ва коммунал инфратузилмани бошқаришнинг ахборот тизимини яратиш, ижтимоий соҳани рақамлаштириш ва кейинчалик ушбу тажрибани бошқа ҳудудларда жорий қилишни назарда тутувчи “Рақамли Тошкент” комплекс дастури амалга оширилмоқда1.
Банк бошқарувида ахборот-коммуникация технологияларидан кенг фойдаланиш, хужжатларни қабул қилиш, сақлаш, жамлаш, натижаларни олиш ишларини янада самарали йўлга қўйиш ҳозирги кунда банк фаолиятини муҳим вазифаларидан бири ҳисобланади. Банк бошқарув жараёнини аниқ, етарли ва тезкор ахборот билан таъминланиши сифатли қарор қабул қилиш учун замин бўлиб хизмат қилади. Зарурий ахборотни фойдаланувчига тезкор тақдим этилишда маълумотлар базасининг имкониятлари чексиздир. Маълумотлар базаси – маълумотлар банкининг энг муҳим таркибий қисми ҳисобланади. У зарурий ахборотни тезкор олиш ва модификациялаш, ахборотнинг минимал ортиқчалиги, амалий дастурларга боғлиқ эмаслиги, излаш усулининг умумий бошқарилиш имкониятларига эга, катта миқдордаги иловалар учун фойдаланиш имкониятлари билан тавсифланувчи ўзаро боғлиқ маълумотлар йиғиндисидир.
Do'stlaringiz bilan baham: |
