9-мавзу. Ўзбекистонда фаол тадбиркорликни ривожлантириш истиқболлари Режа

9-мавзу. Ўзбекистонда фаол тадбиркорликни ривожлантириш истиқболлари
Режа:

1. 
   Ўзбекистонда кичик бизнес ва тадбиркорликни ривожлантиришнинг Давлат дастури.
   
2. 
   Ўзбекистонда кичик бизнес ва хусусий тадбиркорликни давлат томонидан қўллаб-қувватлашнинг устувор йўналишлари
   
3. 
   Кичик бизнес ва хусусий тадбиркорлик субъектлари: иқтисодиётда тутган ўрни ва ривожланиш тенденциялари
   

Кичик бизнес жамиятда ижтимоий-иқтисодий барқарорликка эришишнинг муҳим омили эканлигини ҳаёт кўрсатиб турибди. Бозор иқтисодиёти шароитида кичик бизнес кўп укладли иқтисодиётни яратиш, жамият ижтимоий барқарорлигининг асоси ҳисобланувчи ўрта мулкдорлар синфини шакллантириш, рақобат муҳитини вужудга келтириш ва барқарор иқтисодий ўсишга эришишда муҳим омил бўлиб ҳисобланади.
Фикримизнинг мисоли сифатида, 2017 йилда мамлакатимизда 12 та эркин иқтисодий ва 45 та саноат зонаси фаолияти йўлга қўйилди ва бу ташкилий чоралар ҳудудларни жадал ривожлантириш имконини бермоқда. Яқин вақт ичида яна 50 та янги саноат зонасини ташкил этиш бўйича амалий ишлар олиб борилмоқда. 2017 йилда янги саноат корхоналари қуриш, хизмат кўрсатиш объектларини ишга тушириш, кичик бизнес ва хусусий тадбиркорликни ривожлантириш ҳисобидан 336 мингдан зиёд янги иш ўрни ташкил этилди.
Ўзбекистон Республикаси Президенти Ш.Мирзиёев таъкидлаганидек, “Бизнинг яна бир муҳим вазифамиз — кичик бизнес ва тадбиркорлик соҳасини қўллаб-қувватлаш ва рағбатлантириш, мамлакатимиз иқтисодий қудратини, юртимизда тинчлик ва барқарорлик, ижтимоий тотувликни мустаҳкамлашдан, бу соҳа улушини янада ошириш учун қулай шарт-шароитлар яратиб беришдан иборат. Нега деганда, тадбиркор нафақат ўзини ва оиласини, балки халқни ҳам, давлатни ҳам боқади. Мен такрор бўлса ҳам, айтишдан ҳеч қачон чарчамайман, яъни “Халқ бой бўлса, давлат ҳам бой ва қудратли бўлади”.
Шунингдек, мамлакатимизда олиб борилаётган ислоҳотлар негизида “Халқ, давлат идораларига эмас, балки давлат идоралари халқимизга хизмат қилиши керак” деган ғоялар ётиши, ўз навбатида халқимизнинг эркин ва фаровон турмуш фаолиятини кескин оширишда давлат хизмат кўрсатиш тизимини ривожлантириш мазмуни ётганлигини кузатишимиз мумкин.
Бугун Ўзбекистонда кичик бизнес ва хусусий тадбиркорликни ривожлантиришга давлат томонидан алоҳида эътибор қаратилмоқда. Бунга мисол сифатида Ўзбекистон Республикаси Президентининг 2017 йил 7 февралдаги “2017-2021 йилларда Ўзбекистон Республикасини янада ривожлантириш Ҳаракатлар стратегияси тўғрисида”ги ПФ–4947-сонли Фармонидаги “Иқтисодиётни ривожлантириш ва либераллаштириш”, деб номланган муҳим устувор йўналишнинг 3.4-бандида “иқтисодиётда давлат иштирокини камайтириш, хусусий мулк ҳуқуқини ҳимоя қилиш ва унинг устувор мавқеини янада кучайтириш, кичик бизнес ва хусусий тадбиркорлик ривожини рағбатлантиришга қаратилган институционал ва таркибий ислоҳотларни давом эттириш” талаблари белгилаб қўйилган.
Бугунги кунда мамлакатимизда олиб борилаётган ислоҳотлар негизида кичик бизнес ва ҳусусий тадбиркорликни давлат томонидан қўллаб-қувватлаш борасидаги механизмни қуйидагича изоҳлаш мумкин:

Мамлакатимизни янада тараққий эттириш бўйича Ҳаракатлар стратегиясида кўзда тутилган мақсад ва вазифаларни бажариш учун Ўзбекистон Республикаси Президентининг 2018 йил 22 январь ПФ–5308-сонФармони билан “Фаол тадбиркорлик, инновацион ғоялар ва технологияларни қўллаб-қувватлаш йили”да амалга оширишга оид давлат дастури тасдиқланди.


Агент – турли келишувларни тайёрлаш, айрим ишларни бажаришда бошқа шахс (юридик ёки жисмоний) ҳисобидан ва унинг номидан фаолият кўрсатувчи шахс. Савдода савдо агенти билан ишлаб чиқариш корхонаси, фирмаси ёки хусусий шахс келишади ва келишув асосида ишонч қоғозига таяниб, фаолият юритади.