Зиёвуддин Раҳим 2 бисмиллаҳир роҳМАНир роҳийм!

ПАЙҒАМБАРЛАРГА ИМОН КЕЛТИРИШ ФОЙДАЛАРИ 
1. Пайғамбарларга ишонган банда Аллоҳ инсониятга раҳматини туширганини, лутф кўрсатганини 
билади. Зеро, анбиёлар одамзотни жаҳолат зулматидан нурга олиб чиқишган, Аллоҳга қандай ибодат 
қилишни, дунёю охиратда саодатга қандай эришишни ўргатишган. Одам боласи ўз ақли билан буларни 
билиш имконига эга эмас. 
2. Анбиёларга имон келтирган инсон Аллоҳ таолонинг улуғ неъматига шукр қилган бўлади. 
3. Пайғамбарларга ишонган киши уларни яхши кўради, ҳурмат бажо келтиради, уларни чиройли 
сифатлар билан эслайди. 
Савол-жавоблар 
Савол:
Жами расуллар ва набийлар сони қанча? 
Жавоб:
Айтилишича, 124.000 нафар
13
. 
Савол:
Фақат расул пайғамбарлар сони қанча? 
Жавоб:
313 нафар. 
Шуни ҳам айтиб ўтиш керак: кўпчилик уламоларга кўра, пайғамбарлар сонини маълум адад билан 
чекламаган маъқул. Чунки бу миқдор аниқ эмас. Пайғамбарлар сони ундан ҳам кўп бўлиши мумкин. 
Савол:
Аллоҳ таоло пайғамбарларни нима учун юборган? 
Жавоб: 
Одамларни тўғри йўлга бошлаш, яхшиликка чақириш, ёмон ишлардан қайтариш учун.
 
Савол: 
Одам боласи изланиб, ўқиб-ўрганиб, тажриба ошириб пайғамбар бўлиши мумкинми? 
Жавоб: 
Йўқ. Инсон ўз ихтиёри билан пайғамбар бўла олмайди. Пайғамбарларни фақат Аллоҳ 
танлайди, Ўзи истаган бандаларини элчи қилади. Аллоҳ таоло айтади: 
“Аллоҳ фаришталардан ҳам, 
инсонлардан ҳам элчилар танлайди. Ҳақиқатан, Аллоҳ Эшитувчи, Кўрувчидир”
(“Ҳаж” сураси, 75-
оят).
Савол:
Биз мусулмонлар ҳеч бир пайғамбарни ажратмасдан барчаларига бирдек имон келтирамиз. 
Бунинг сабаби нима? 
Жавоб:
Чунки барча пайғамбарларни Яккаю Ёлғиз Аллоҳ юборган. Улар бир-бирини тасдиқлаб 
келишган. Барча пайғамбарлар чақирган Дин битта. Шунинг учун Аллоҳ уларнинг орасини ажратмасдан, 
барчаларига имон келтиришга буюрган.