Зиёвуддин Раҳим 2 бисмиллаҳир роҳМАНир роҳийм!

“
(Эй Муҳаммад соллаллоҳу алайҳи ва саллам,)
 Биз Сиздан илгари юборган барча пайғамбарлар 
таом ейишарди, бозорларда юришарди. Биз баъзиларингизни баъзиларингиз учун фитна – синов 
қилиб қўйдик 
(яъни, Сизнинг оддий одамлар каби фақирона кун кечиришингиз бошқалар учун 
имтиҳондир. Чунки, Сизни бой-бадавлат қилиб қўйганимизда улар Сизга бойлик учун итоат этган 
бўлардилар)
. Сизлар 
(Бизнинг бу синовимизга)
сабр қила оласизми? Парвардигорингиз кўриб 
турувчидир”
(“Фурқон” сураси, 20-оят). 
Аллоҳ таоло Пайғамбаримиз Муҳаммад соллаллоҳу алайҳи ва салламга ўхшаб таом ейдиган, 
бозорларда юрадиган инсонни пайғамбар қилиши янгилик ёки ажабланадиган иш эмас, пайғамбарлик 
ҳолатига зид ҳам эмас, қадимдан жорий бўлиб келган. Лекин айримлар: “Оддий одам ҳам пайғамбар 
бўладими?” деб йўлдан адашишган. Ҳақиқий мўмин банда Аллоҳ ирода этган ишни муҳокама қилмайди, 
унга тўлиқ бўйсунади, амрини сўзсиз бажаради. Зеро, мўминлик шуни тақозо этади. 
ПАЙҒАМБАРЛАР МАЪСУМДИРЛАР 
Барча пайғамбарлар алайҳимуссалом маъсумдирлар. Яъни, гуноҳга қўл уришдан, шаҳватларга 
берилишдан, инсон қадрини туширадиган камчиликлардан йироқ бўлишган. Улар инсонлар ичидаги 
ахлоқи энг гўзали, амали энг поки, юраги энг тозаси, қиладиган иши энг тўғриси саналишган. Аллоҳ 
таолонинг Ўзи пайғамбарларни гуноҳ-маъсиятдан, ҳаром ишлардан, одамлар нафратини келтирадиган 
касалликлардан сақлаган. Чунки Аллоҳ таоло одамларни пайғамбарларга эргашишга, улар юрган йўлдан 
юришга буюрган. Агар улар томонидан ножоиз, ҳаром амаллар содир этилганида ўша ишлар шариатда 
бор нарсага айланиб қоларди. Зеро, пайғамбарлар инсонларга ҳар соҳада ўрнаклар. Шунинг учун ҳам 
Аллоҳ таоло уларни маъсум қилган. 
ПАЙҒАМБАРЛАР ОМОНАТЛИДИРЛАР 
Пайғамбарлар алайҳимуссалом Аллоҳ таолодан берилган рисолатнинг бирон ҳарфини ҳам 
ўзгартирмасдан, ўзларидан бирон нарса қўшмасдан ёки камайтирмасдан омонат билан умматларига 
етказишган. Жумладан, анбиёлар сўнгги вакили, муаллим Пайғамбаримиз Муҳаммад соллаллоҳу алайҳи 
ва саллам Қуръони каримни омонат ила саҳобаларга етказганлар. Агар, фаразан, у зот бу борада бирон 
хатога йўл қўйсалар, Аллоҳнинг Ўзи у зотни жазоларди. Аллоҳ таоло шундай деган: 
“--------------------------- Арабий матн --------------------------“ 

---

44