Зиёвуддин Раҳим 2 бисмиллаҳир роҳМАНир роҳийм!

ФАРИШТАЛАР СИФАТЛАРИ 
Қуръони карим оятларида, Пайғамбаримиз соллаллоҳу алайҳи ва саллам ҳадисларида фаришталар 
сифатлари келтирилган. Жумладан, Каломи мажидда айтилади: 
“--------------------------- Арабий матн --------------------------“ 
“Масиҳ ҳам, муқарраб фаришталар ҳам Аллоҳга банда бўлишдан бош тортмайди”
(“Нисо” 
сураси, 172-оят).
Яъни, Исо алайҳиссалом ҳам, Аллоҳга яқин фаришталар ҳам У Зотга банда бўлишдан кибр 
қилишмайди. Чунки улар Аллоҳнинг буюклигини билишади. Ибодат қилишдан бўйин товлаганларни 
Аллоҳ қаттиқ жазолайди, барчасини жаҳаннамда тўплайди. 
Бу ўринда биз эътибор қаратишимиз лозим нарса: фаришталар Аллоҳга ибодат қилади. Улар ичида 
Аллоҳга жуда яқинлари ҳам бор. Ўша малоикалар мартабаси бошқа фаришталарникидан юқори. 
Аллоҳ таоло айтади: 
“--------------------------- Арабий матн --------------------------“ 
“Эй мўминлар, сизлар ўзларингизни, аҳли-оилангизни дўзахдан сақланг. Унинг ёқилғиси 
одамлар ва тошлардир. 
(Дўзах)
устида қўпол, қаттиққўл, Аллоҳ буюрган нарсага итоатсизлик 
қилмайдиган, 
(фақат)
ўзларига буюрилган нарсани қиладиган фаришталар туради”
(“Таҳрим” 
сураси, 6-оят).
Бу оятда Аллоҳ таоло мўмин-мусулмон бандаларига ўзларини, оила аъзоларини жаҳаннам 
оташидан сақлашни буюрмоқда. Жаҳаннам азобидан сақланиш Аллоҳ буюрганини қилиш, қайтарганидан 
тийилиш, аҳли-оиласини ибодатга, зикрга, тақвога чақириш билан бўлади. Ким аҳлига Аллоҳ фарз 
қилган, қайтарган нарсаларни ўргатса, уларни Аллоҳга итоат этишга чорласа, ўзини ҳам, аҳлини ҳам 
жаҳаннам оловидан асрабди. 
Оятда айтилишича, дўзах қўриқчилари, яъни азоб фаришталари қўпол, қаттиққўл, шафқатсиздир. 
Улар жаҳаннамийларнинг ҳеч бирига раҳм қилмайди. Азоб фаришталаридан ҳеч ким қочиб қутула 
олмайди. Ўша фаришталар Аллоҳга итоат этишади, буюрганини сўзсиз бажаришади. Улар “Забония” 
дейилади. 
Аллоҳ таоло айтади: 
“--------------------------- Арабий матн --------------------------“