Зиёвуддин Раҳим 2 бисмиллаҳир роҳМАНир роҳийм!

ГУНОҲИ КАБИРА БИЛАН ГУНОҲИ САҒИРА ОРАСИДА ҚАНДАЙ ФАРҚ 
БОР? 
Гуноҳи кабира шариатда белгилаб қўйилган жазога лойиқ, дўзахга кириш ёки лаънатга, ғазабга 
учраш билан огоҳлантирилган гуноҳдир. 
Гуноҳи сағира бу дунёда шаръий жазога лойиқ бўлмаган, у дунёда дўзахга кириш ёки лаънатга, 
ғазабга учраш билан қўрқитилмаган гуноҳдир. 
Кичик гуноҳлар таҳорат, намоз, рўза каби солиҳ амаллар билан кечирилади, бироқ катта гуноҳлар 
мағфират қилиниши учун банда тавба қилиши шарт. Каттаю кичик гуноҳларнинг ҳаммаси насуҳ (яъни, 
ҳақиқий, чин дилдан қилинган) тавба билан ювилади. 
Аллоҳ таоло айтади: 
“--------------------------- Арабий матн --------------------------“ 
“Агар қайтарилган нарсаларнинг катталаридан четлансангиз, ёмонликларингизни ўчирамиз, 
сизни карамли манзилга киритамиз”
(“Нисо” сураси, 31-оят).
Яъни, Аллоҳ сизларни қайтарган катта гуноҳ-маъсиятлардан сақлансангиз, У Зот кичик 
гуноҳларингизни кечиради, сизларни жаннатга киритади. 
Аллоҳ таоло ширкни бошқа гуноҳлардан фарқлаган. Чунки ширк гуноҳи кабираларнинг энг 
каттасидир. Ширк гуноҳи кечирилмайди. Ундан бошқа гуноҳлар кечирилиши Аллоҳнинг хоҳишига 
боғлиқ. 
ГУНОҲИ КАБИРА ҚИЛГАНЛАР ДЎЗАХДА АБАДИЙ ҚОЛМАЙДИ 
Муҳаммад соллаллоҳу алайҳи ва саллам умматидан саналган, гуноҳи кабира қилган одам 
Аллоҳнинг Яккаю Ягоналигига имон келтирган ҳолида вафот этса, гарчи ўлимидан олдин гуноҳидан 
тавба қилмаган бўлса ҳам, дўзахда абадий азобланмайди. Аллоҳга мўмин ҳолида рўбарў бўлган бандалар 
Парвардигорлари хоҳиши, ҳукми остидадир: Аллоҳ хоҳласа, уларни фазли билан кечириб юборади, 
хоҳласа, адолати билан жазолайди. 
Аллоҳ таоло катта гуноҳ қилганларни дўзахдан чиқаради. Мағфират ёки шафоатдан кейин жаннатга 
киритади. Аллоҳ таоло имон аҳлини яхши кўради, уларни икки дунёда кофирларга ўхшатмайди. 
Савол-жавоблар 
Савол:
Мўмин-мусулмон киши катта гуноҳларни содир этса, диндан чиқадими, йўқми? 
Жавоб:
Чиқмайди. Лекин, Аллоҳга, охират кунига имон келтирса-ю, ўзини гуноҳлардан сақламаса, 
фосиқ, осий бўлади. 

---

116