Зиёвуддин Раҳим 2 бисмиллаҳир роҳМАНир роҳийм!

“Батаҳқиқ, Биз инсонни қуруқ лойдан, ўзгартирилган қора балчиқдан яратдик. Жинларни 
бундан олдин самум оловидан яратгандик”
(“Ҳижр” сураси, 26-27-оятлар).
Бу ердаги “жинлар”дан мурод уларнинг асли иблисдир. Одам алайҳиссалом инсонлар асли 
бўлганидек иблис ҳам жин ва шайтонлар аслидир. 
“Самум” олов каби иссиқ шамол, жаҳаннам иссиғи деган маъноларни англатади. Жинлар асли 
самум оловидан яратилган. 
Жинлар ичида ҳам – худди одамларга ўхшаб – яхшиси, ёмони, имонлиси, имонсизи, ҳидоят 
топгани, адашгани бор. Жинлар ҳам биз каби имон келтиришга, ибодат қилишга чақирилган. 
Аллоҳ таоло шундай деган: 
"--------------------------- Арабий матн --------------------------" 
“Мен жин ва инсонни фақат Ўзимга ибодат қилишлари учун яратдим” 
(“Зориёт” сураси, 56-
оят).
Демак, биз нима амаллар қилишимиз лозим бўлса, жинлар ҳам шундай қилиши керак. Муҳаммад 
соллаллоҳу алайҳи ва саллам инсонларга ҳам, жинларга ҳам пайғамбар қилиб юборилганлар. 
Қуръонда жинлар тилидан шундай дейилган: 
"--------------------------- Арабий матн --------------------------" 
“Албатта, орамизда мусулмонлар ҳам бор, 
(шунингдек,)
орамизда 
(йўлдан)
озганлар ҳам бор. 
Шундай экан, ким мусулмон бўлса, демак, ана ўшалар тўғри йўлни мақсад қилиб олибди. Энди 
(йўлдан)
 озганларга келсак, улар жаҳаннам учун ўтин бўлган кимсалардир”
(“Жин” сураси, 14-15-
оятлар). 
Бу ерда айтилишича, жинлар орасида Аллоҳга итоат этадиган, У Зот розилиги учун солиҳ амаллар 
қиладиган мусулмонлар ҳам, Аллоҳга итоат этмайдиган, тўғри йўлдан адашган кофирлар ҳам бор. Ким 
Аллоҳга итоат этса, бўйсунса, саодат йўлини танлабди. Ислом йўлидан чиққан золим жинлар худди 
кофир инсонларга ўхшаб жаҳаннамга ёқилғи бўлади. 
Жинлар ҳам қиёмат куни маҳшаргоҳга тўпланади, амаллари ҳисоб-китоб қилинади: яхши ишлари 
учун мукофот олади ёки гуноҳлари сабаб азобланади. 
Аллоҳ таоло айтади: 
"--------------------------- Арабий матн --------------------------"