Зиёвуддин Раҳим 2 бисмиллаҳир роҳМАНир роҳийм!

КИТОБ ВА СУННАТНИ МАҲКАМ УШЛАШ, ТАФРИҚАДАН САҚЛАНИШ 
ЛОЗИМЛИГИ 
Биз мўмин-мусулмонлар жамоатни ҳақ, деб биламиз, бўлинишни залолат деб ҳисоблаймиз. Зеро, 
Аллоҳ таоло Каломи мажидда шундай амр қилган: 
“--------------------------- Арабий матн --------------------------“ 

---

128 
“Ва барчангиз Аллоҳнинг Арқонига боғланинг, 
(турли гуруҳларга)
 бўлинманг!..”
(“Оли Имрон” 
сураси, 103-оят).
Аллоҳнинг Арқонидан мурод Қуръони каримдир. 
Аллоҳ таоло бу оятда Қуръонни маҳкам ушлашни, фирқаларга бўлиниб кетмасликкни буюрмоқда. 
Аҳли сунна суннатни маҳкам ушлаган ҳақ жамоатдир. Аҳли бидъат эса суннатга хилоф, турли 
гуруҳларга бўлиниб кетган кимсалардир. Аҳли суннанинг аломати жамоат бўлса, аҳли бидъатнинг 
белгиси бўлинишдир. 
Қуръонда шундай дейилган: 
“--------------------------- Арабий матн --------------------------“ 
“Мана бу эса Биз нозил қилган Муборак Китоб – Қуръондир! Шундай экан, унга эргашинг, 
(Аллоҳдан)
 қўрқинг! Шояд раҳматга эришсангиз”
(“Анъом” сураси, 155-оят).
Қуръоннинг шаъни улуғ, баракаси кўп. Ким уни ўқиб-ўрганса, ҳукмларига амал қилса, барака 
топади, тўғри йўлда юради, икки дунёда толеи баланд бўлади. Аллоҳнинг Каломини маҳкам ушлаган 
банда устига раҳмат ёғилади. Аллоҳнинг раҳматига эришай, деган одам Қуръонни ўқиб-ўрганиб, илоҳий 
таълимотларга биноан яшайди. 
Қуръонни маҳкам ушлаш деганда нима тушунилади? Қуръонни ёдлаш, тиловат қилиш, ҳукмларини 
ўрганиб, уларга амал қилиш, Қуръонда ҳалол дейилганни ҳалол санаш, ҳаром дейилган амалларни ҳаром 
деб билиш, Қуръон буюрган ишларни бажариш, қайтарганларидан сақланиш, Қуръонда келган 
мисоллардан, ваъз-насиҳатлардан ибратланиш, Қуръонда белгилаб берилган чегарадан ўтмаслик, ундаги 
муташобеҳ оятларга таслим бўлиш, уларни таъвил қилмаслик кўзда тутилади. 
Аллоҳ таоло айтади: 
“--------------------------- Арабий матн --------------------------“