Ózbekstan respublikasi’ joqari’ HÁm orta arnawli’ bilimlendiriw ministrligi

Mektepten tısqarı bilimlendiriw. O`zbekistan Respublikası «Tálim tuwrısında»ǵı nızamnıń 10-statyasına tiykarlanǵan balalar hám óspirimlerdiń talapların, talap hám mútájliklerin ámelge asırıw, olardıń bos waqıtların mazmunlı shólkemlestiriw maqsetinde mámleketlik mekemeler, túrli múlk formalarına iye bolǵan kárxanalar, jámyetlik shólkemler, ilimiy-dóretiwshilik, ilimiy-tabiyiy, texnik, sport hám basqa baǵdardaǵı mektepten tısqarı bilimlendiriw mekemelerin shólkemlestiriliwi múmkin. Ózbekistan Respublikası "Tálim tuwrısında"ǵı Ózbekistan Respublikası Nızamına muwapıq barlıq aymaq (rayon, qala, wálayat hám respublika)larda mektepten tısqarı mekemeler tiyisli hákimliktiń qararına muwapıq ashıladı. Mektepten tısqarı mekemeler ǵárezsiz túrde yáki ilimiy-islep shıǵarıw, oqıw-tárbiya kompleksi (orayı) quramında islerlik kórsetiwi múmkin. Mektepten tısqarı mekemeler xalıq bilimlebdiriw sistemasınıń quramlıq bólimi esaplanadı hám olar tálim-tárbiya beriwge arnalǵan. Mektepten tısqarı mekemeler óz iskerligin Ózbekistan Respublikası Konstetuciyasına, "Tálim tuwrısında"ǵı Nızamǵa hám basqa nızamshılıq hújjetlerine hámde "Mektepten tısqarı mekeme tuwrısında" Nızamǵa muwapıq ámelge asıradı⁹. Bul Nızam mektepten tısqarı mekemeler iskerligin, wazıypaları hám funksiyaların, basqarıwın tártipke saladı hámde qatnasıwshılardıń (ata-analar yáki olardıń ornın basıwshı shaxslar, mektepten tısqarı mekemelerdiń pedagogik xızmetkerleri hám tárbiyalanıwshılar) huqıq hám májbúriyatların belgilep beredi.