Ózbekstan respublikasi’ joqari’ HÁm orta arnawli’ bilimlendiriw ministrligi

Orta arnawlı kásip-óner tálimi baǵdarı akademik licey yáki kásip-óner kolleji oqıwshılar tárepinen iqtiyarıy tańlanadı. Akademik licey mámleketlik tálim standartlarına muwapıq orta arnawlı tálim beredi, oqıwshılardıń imkaniyatları hám qızıǵıwların esapqa alǵan halda olardıń jedel intelektual rawajlanıwı shuqır, tarawlastırılǵan, kásipke baǵdarlanǵan bilim alıwdı támiyinleydi. Akademik liceyde oqıwshılar ózleri tańlaǵan tálim baǵdarı boyınsha bilimin asırıw hámde pándi shuqır úyreniwge qaratılǵan arnawlı kásip-óner kónlikpelerin ózlerinde qáliplestiriw imkanına iye boladı. Bul kónlikpelerdi oqıwdı turaqlı joqarı oqıw mekemelerinde dawam ettiriw yáki miynet iskerliginde júzege shıǵarıwları múmkin. Kásip-óner kolledji tiyisli mámleket standartları sheńberinde orta arnawlı kásip-óner tálimin beredi, oqıwshılardıńkásip-ónerge miyilligi, bilim hám kónlikpelerin shuqır rawajlantırıw, tańlap alǵan kásip-óner boyınsha bir yáki bir neshe qániygelikti iyelew imkanın beredi. Akademik liceyler hám kásip-óner kollejlerinde bilim alıw oqıwshılarǵa óz bilimlerin shuqırlastırıw hám tańlaǵan qániygeliklerine iye bolıwın támiyinleydi.