Ózbekstan respublikasi’ joqari’ HÁm orta arnawli’ bilimlendiriw ministrligi

I BAP ÓZBEKSTAN RESPUBLIKASI BILIMLENDIRIW SISTEMASI

1.1. Ózbekistan Respublikasınıń bilimlendiriw sisteması dúzilisi

Respublika ámelge asırılıp atırǵan ózgerislerdiń basil maqseti hám háreketlendiriwshi kúshi insannıń hár tárepleme kamal tabıwı hám onıń páráwan turmısın támiynlew bolıp esaplanadı. Mámleketimizde ǵárezsizliktiń dáslepki jıllarınan baslap tálim-tárbiya sistemasın túpten reformalawǵa óz aldına itibar qaratılıp, perzentlerimizdiń jáhán úlgileri dárejesinde zamanagóy bilim hám kásip-ónerlerdi iyelewi, fizikalıq hám ruwxıy jetik insanlar bolıp úlkeyiwi, olardıń qábiliyet hám talantın, intellektual potenciyalın júzege shıǵarıw, jas áwlad qálbinde Watanǵa sadıqlıq hám pidayılıq tuyǵıların jetilistiriw boyınsha úlken isler ámelge asırılmaqta.

Prezidentimizdin' 2017-jıl 7-fevraldaǵı "Ózbekstan Respublikasın jánede rawajlantırıw boyınsha Háreketler strategiyası tuwrısında"ǵı Pármanı⁴ da sociallıq taraw, atap aytqanda, tálim hám ilim-pán tarawların jetilistiriw boyınsha qatar wazıypalar belgilenge. Hújjette bilimlendiriw mekemeleriniń materiallıq-texnik bazasın bekkemlew, jańa bilimlendiriw mekemelerin qurıw, barların rekonstruksiyalaw hám kapital remontlaw menen birge olardı zamanagóy oqıw hám laboratoriya úskeneleri, komputer texnikası, oqıw-metodik qollanbalar menen támiyinlew názerde tutılǵan. 2017-2021-jıllarda joqarı bilimlendiriw sistemasın túpten jetilistiriw dástúrin islep shıǵarıw, oqıw dástúrlerin jánede jetilistiriw, pullı xızmetler kórsetiw hám qarjılandırıwdıń qosımsha dereklerin izlewde joqarı oqıw orınlarınıń wákalatların keńeytiriw jolı menen olardıń ǵárezsizligi basqıshpa - basqısh rawajlantırılıp barıladı.

Keyingi bir jılda Ózbekstan Respublikası Prezidenti hám Ministrler Keńesiniń jetpiske jaqın párman, qarar hám buyrıqları qabıllandı. Bul úlken maǵanada tálim sistemasındaǵı ózgeris hám jańalanıwlar processin baslap beredi.

Házirde ulıwma bilimlendiriw mekteplerine 10-11-klasqa oqıwshılar qabıllaw qayta jolǵa qoyıldı. Bul akademiyalıq licey hám kásip-óner kollejlerine qabılaw processi menen barabar alıp barıladı. Bunda ata-analar hám oqıwshılardıń talap hám qálewleri inabatqa alınadı.