Ózbekstan respublikasi’ joqari’ HÁm orta arnawli’ bilimlendiriw ministrligi

Mektepke shekemgi tálim. Mektepke shekemgi tálim balanıń salamat hám rawajlanǵan shaxs bolıp qáliplesiwin támiyinlep, oqıwǵa bolǵan qızıǵıwshılıǵın oyatıp, sistemalı oqıtıwǵa tayarlap beredi. 6-7 jasqa shekemgi bolǵan mektepke shekemgi tálim mekemelerinde hám shańaraqta ámelge asırıladı. Mektepke shekemgi tálimniń maqseti –balanı mekteptegi oqıwǵa tayarlaw, balanı saǵlam, rawajlanǵan, ǵárezsiz shaxs bolip qáliplestiriw, qábiliyetlerin ashıp beriw, oqıwǵa, sistemalı tálimge bolǵan qızıǵıwshılıǵın tárbiyalaw.

Mektepke shekemgi tálim mekemeleri – Ózbekistan Respublikasındaǵı bilimlendiriw mekemeleriniń túri bolıp, túrli baǵdardaǵı Mektepke shekemgi bolǵan dáwirdegi ulıwmatálim dástúrlerin ámelge asıradı. Mektepke shekemgi tálim mekemeleri 2 jastan 7 jasqa shekemgi bolǵan balalardı tárbiyalawdı, oqıtıwdı, qadaǵalawdı hám saǵlamlastırıwdı támiyinleydi⁶. Mektepke shekemgi tálim mekemesin shólkemlestiriw tártibi, iskerligin shólkemlestiriw hámde mektepke shekemgi tálim mekemesiniń mal-múlki hám pul qarjıları, juwapkerligi, basqarıwı hámde tálim processi qatnasıwshıları tuwrısındaǵı talaplar Ózbekistan Respublikası Mektepke shekemgi tálim tuwrısındaǵı nızam menen tártipke salınadı.