%zbekstan respublikasi a

Analizdin` barısı: texnologiyalıq ta`rezide 20 g. topıraq alınıp 500 ml-lik kolbag`a o`tkeriledi. U`stine 100 ml. 1 n KCL eritpesi quyılıp 3-5 tamshı toluol qosıladı ha`m 5 minut jaqsılap shayqatıladı. Aralaspa bu`klenbe filtr arqalı 200 ml-lik kolbag`a filtrlenedi. Barlıq suspenziya filtrlenip bolg`annan keyin, topıraqlı kolbag`a 20 ml. 1 n KCL eritpesi quyılıp, qalg`an topıraq bo`leksheleri filtrge o`tkeriledi. Topıraqtı tolıq o`tkeriw ushın bul jumıs 4-5 ret ta`kirarlanadı. Filtrat 1 n KCL eritpesi menen sızıqqa shekem toltırıladı. Filtrat mo`ldir bolıwı tiyis.

Filtrattan 50 ml-lik kolbag`a 10-25 ml o`lshep alınıp 45 ml-ge shekem suyıltırıladı. Son`ınan 2 ml. 50 protsentli segnet duzı eritpesi ha`m 2 ml. Nessler reaktivi qosılıp kolba belgisine shekem suyıltırıladı ha`m fotokolorimetrden o`tkeriledi.

Fotokolorimetr ushın u`lgi eritpesinin` shkalası tayarlandı:

0,7405 g.x.ch. NH₄CL 1 litrlik kolbada eritilip sızıg`ına shekem suyıltırıladı. Eritpeden 20 ml. alınıp ja`ne bir litrge shekem suyıltırıladı. Bul eritpenin` (u`lgi) 1 ml.de 0,005 mg NH₄ yamasa 0,0047 mg NH₃ yamasa 0,0039 mg N bolıp, onnan rabochiy eritpe tayarlanadı:

Kolba №	1	2	3	4	5	6	7	8	9	10
alıng`an eritpe,ml	2	4	6	8	10	12	14	16	18	20
50 ml. eritpedegi mug`darı, mg	0,01	0,02	0,03	0,04	0,05	0,06	0,07	0,08	0,09	0,10

Fotokolorimetrlew jasıl (siniy) svetofiltr menen 50 ml-lik kyuvette o`tkeriledi. Tayarlang`an u`lgi eritpeleri FEK-ten o`tkerilip olardın` ko`rsetkishi boyınsha tablitsa (yamasa grafik) du`ziledi.

Ammiaktı analizlewde topıraqsız bos anıqlama ju`rgiziliwi kerek.

Topıraqtag`ı ammiak mug`darı mına formula boyınsha esaplanadı:

A =

A – qurg`aq topıraqtag`ı NN₃ mug`darı, mg/kg

a – grafik boyınsha tabılg`an NN₃ mg/50 ml

V – filtrattın` jalpı ko`lemi, ml

V₁- keptiriwge alıng`an filtrat, ml

S – analizge alıng`an topıraq, g

1000 – 1 kg topıraqqa qayta esaplaw koeffitsienti

K – qurg`aq topıraqqa qayta esaplaw koeffitsienti