%zbekstan respublikasi a

Reaktivler: 1. Disulfofenol kislotası: 3g fenol 37 g. (20, 1 ml) konts. ku`kirt kislotası menen aralastırılıp uzın trubkalı probka menen jabılg`an kolbada 6 saat dawamında qaynap turg`an suw banyasında qızdırıladı, 2. 10 protsentli KON eritpesi, 3. KNO<sub>3</sub> – nitrattın` u`lgi eritpesi, 4. Ku`kirt qıshqıl alyuminiydin` – AL₂(SO₄)₃•18H₂O-13%

eritpesi: 13 g. qurg`aq duz 100 ml distillengen suwda eritiledi.
b) Ammiak azotın anıqlaw (Nessler usılı)

Topıraqtag`ı ammiak organikalıq zatlardın` aerob ha`m anaerobbakteriyalar ta`sirinde tarqalıwı (amonifikatsiya) na`tiyjesinde payda boladı. Ammiak tiykarınan topıraqqa sin`gen halda bolg`anlıqtan, ol topıraqtan xlorlı kaliydın` 1 n eritpesi ta`sirinde topıraq eritpesine shıg`arıladı. Ammoniy ionları Nessler reaktivi (K₂HgJ₄- siltili eritpe) ta`sirinde sarg`ılt qızıl (oranjeviy) ren`li birikpe (iodlı merkurammoniy) payda qıladı:

NH₄OH+2 K₂HgJ₄+3KOH=NH₂Hg₂JO+7KJ+3H₂O

Boyalıwdın` da`rejesine qaray fotokolorimetrde NH₄tın` mug`darı anıqlanadı.