Ózbekstan Respublikası Xalıq bilimlendiriw ministrligi tárepinen

63-§. adamdaǵı násillik kesellikler
Genetika medicina ushın úlken áhmiyetke iye bolıp bar-
maqta. Normadan tısqarı ózgerisler hám kesellikler genotipke 
baylanıslı bolıp tabıladı. adamlar populyaciyasında 2000 nan 
artıq násillik keselliklerdiń násilden-násilge ótiwi anıqlanǵan. 
adamdaǵı násillik kesellikler hám olardıń payda bolıw sebep-
lerin hám de emlew usılların medicina genetikası úyrenedi. 
Medicina genetikasınıń áhmiyetli wazıypaları tómendegilerden 
ibarat.
1. adamlarda mutaciyalardıń júzege keliw sebeplerin anıq-
law. Olardı júzege keltiriwshi faktorlar qatarına adam nási-
line unamsız tásir etiwshi radiaciya nurları, hár qıylı ximiyalıq 
mutagen zatlar, qara dári, nasha sıyaqlı narkotik zatlar, spirtli 
ishimlikler kiredi. 2. Násillik keselliklerdiń aldın alıw hám 
emlew metodların jaratıw.
Medicina genetikası násillik keselliklerdi anıqlaw hám emlew 
ushın bir qatar tez immunologiyalıq, bioximiyalıq, citogene-
tikalıq hám basqa usılların islep shıqtı. Mısalı, fenilketonuriya, 
raxit, polimiyelit keselliklerdi hár qıylı dári-darmaqlar járde-
minde emlew jolları tabıldı.
Medicina genetikasınıń áhmiyeti, ásirese adamzat tariyxınıń 
házirgi dáwirinde sózsiz artıp barmaqta. Sebebi jer sharındaǵı 
ekologiyalıq ortalıqtıń keskin tómenlep baratırǵanı hám ondaǵı 
fizika-ximiyalıq mutagen faktorlardıń barlıq organizmlerge, so-
nıń ishinde, adam násiline júdá unamsız tásir etip atırǵanı 
sebepli, olarda násillik kesellikler kóbeymekte. Násillik kesellik-
lerdi úyreniw, olardıń aldın alıw hám emlewdiń nátiyjeli metod-
ların jaratıw tarawındaǵı medicina genetikasınıń juwapkershiligi 
hám áhmiyeti jáne de artpaqta. Násillik kesellikler shártli túrde 
ekige: gen hám xromosoma keselliklerine bólinedi.