Dosbergenova Klara

Ozbekstan Respublikasi joqari ham orta arnawli bilimlendiriw ministrligi Den sawliqti saqlaw ministrligi Qaraqalpaqstan Medicina Instituti Emlew isi ham xalq medicinasi fakulteti emlew isi qaniygeligi 110-topar

Qabillagan: Dosbergenova Klara

Tayarlagan: Abubakirov Sultan



Tema; Bas suyeklerininrengenanatomiyasi

1.Bas suyekleri haqqinda tusinik.

2.Jana tuwilgan balalarda bas suyeklerinin rawajlaniwi.

3.Bas suyeginin tiykargi ham sirtqi juzesi.

Bas su’yeginin’ miy bo’limi bas qaqpag’i’ ha’m tiykari’nan ibarat. olar arasi’ndag’i’ shegara bas su’yeginin’ si’rtqi’ ta’repindegi si’rtqi’ en’se du’mpeginen baslani’p, joqarg’i’ en’se si’zi’g’i’ boylap sori’g’i’sh

ta’rizli wo’siktin’ tiykari’na, wonnan si’rtqi’ esitiw joli’ u’stinen bet almasi’ dugasi’ ha’m ko’z kesesinin’ joqarg’i’ qi’ri’ boylap man’lay muri’n tigisine shekem baratug’i’n sha’rtli si’zi’qtan ibarat. Bas qaqpag’i’n man’lay su’yeginin’ pa’llesi, to’be su’yegi, sheke ha’m en’se su’yeklerinin’ pa’lle bo’limleri, pana ta’rizli su’yektin’ u’lken qanati’ni’n’ lateral ju’zeleri payda etedi. Bas su’yegi tiykari’ni’n’ si’rtqi’ ju’zesi (basis cranii externa) 3 bo’limge bo’linedi. oni’n’ aldi’ng’i’ bo’limi joqari’ jaq su’yeginin’ alveolyar o’sigi ha’m qatti’ tan’laydan

payda boladi’. Bul bo’limde orta ha’m kese tan’lay tigisleri (sutura palatina mediana et transversa), kesiwshi kanal, u’lken ha’m kishi tan’lay kanallari’ jaylasqan.Bas tiykari’ni’n’ orta bo’limi qatti’ tan’laydi’n’ arqa qi’ri’nan u’lken yen’se tesiginin’ aldi’ng’i’ qi’ri’na shekem dawam yetedi.Bul arali’qta oval, wo’tkir qi’rli’, ji’rti’q tesik (foramen lacerum), to’mengi jaq oyi’qshasi’, buwi’n du’mpegi, uyqi’ arteriyasi’ kanali’ni’n’ si’rtqi’ tesigi, bulshi’q et-nay kanali’ (canalis musculotubarius), moyi’nti’ri’q woyi’qshasi’ ha’m tesigi, jutqi’nshaq du’mpegi, biz ta’rizli o’sik, biz

ta’rizli ha’m sori’g’i’sh tarizli tesik, si’rtqi’ esitiw joli’ jaylasqan. Basti’n’ si’rtqi’ tiykari’ni’n’ arqa bo’limi u’lken en’se tesiginin’ aldi’ng’i’ qi’ri’nan joqarg’i’ en’se si’zi’g’i’na shekem baradi’. Bul bo’limde en’se do’n’leri, do’n’ oyi’qshasi’ ha’m tesigi, til asti’ nervi kanali’, sori’g’i’sh ta’rizli o’sik, sori’g’i’sh ta’rizli oyma, en’se arteriyasi’ni’n’ qari’qshasi’, si’rtqi’ yen’se du’mpegi, joqarg’i’ ha’m to’mengi en’se si’zi’qlari’ jaylasqan.

Jan’a tuwi’lg’an balalarda qatti’ tan’lay 3 su’yekten: kesiwshi su’yek, joqari’ jaq su’yeginin’ tan’lay o’sigi ha’m tan’lay su’yeginin’ gorizontal plastinkasi’nan payda bolg’an. Olardi’n’ tan’layi’ jalpaq, u’lken ha’m ju’zesi tegis boladi’. Bir jasta tan’lay gu’mbezi payda bola baslaydi’ ha’m

balali’qti’n’ ekinshi da’wirinde relefi u’lken adamlardag’i’g’a uqsas boladi’. Bas su’yeginin’ si’rtqi’ tiykari’ni’n orta ha’m arqa bo’limlerin payda yetiwshi su’yekleri bo’lek-bo’lek bo’limlerden ibarat. To’mengi

jaq oyi’g’i’ jalpaq, buwi’n du’mpegi ha’m sori’g’i’sh ta’rizli o’sikleri, en’se si’zi’qlari’ bolmaydi’. Balali’qti’n’ ekinshi da’wirinde basti’n’ si’rtqi’ tiykari’ u’lken adamlardag’i’g’a uqsas boli’p, tek pana ta’rizli su’yektin’ denesi en’se su’yegi menen birikpegen boladi’. olar 16 jastan keyin birigedi.

Aldi’ng’i’ bas su’yegi woyi’qshasi’ (fossa cranii anterior) man’lay su’yeginin’ ko’z kesesi bo’limi, pana ta’rizli su’yektin’ kishi qanatlari’ ha’m elewish ta’rizli su’yektin’ ilme-tesik plastinkasi’nan payda boladi’. Bul oyi’qshada miy to’beshikleri ha’m barmaq izleri, qoraz kekili, so qi’r tesik ha’m man’lay qi’ri’ bar. Orta bas su’yeginin’ oyi’qshasi’ (fossa cranii media) pana ta’rizli su’yektin’ denesi ha’m u’lken qanatlari’, sheke su’yegi piramidasi’ni’n’

aldi’ng’i’ ju’zesi ha’m pa’llesinen payda bolg’an. Wonda tu’rk yeri gipofiz oyi’qshasi’, ko’riw nervi kesilispesinin’ qari’qshasi’, ko’riw kanali’, uyqi’ arteriyasi’ qari’qshasi’, ko’z kesesinin’ joqarg’i’ jari’g’i’ (fissura orbitalis superior), domalaq, oval, o’tkir qi’rli’ ha’m ji’rti’q tesikler, u’sh shaqli’ nerv bati’qli’g’i’, u’lken, kishi, tas nervinin’ qari’qshasi’ ha’m jari’g’i’, baraban bosli’g’i’ to’besi ha’m duga ta’rizli to’belikleri jaylasqan. Arqa bas su’yegi oyi’qshasi’ (fossa cranii posterior) en’ teren’i boli’p, oni’n’ sheke su’yegi piramidasi’ni’n’ arqa ju’zesi, pana ta’rizli su’yek denesinin’ arqa ju’zesi ha’m en’se su’yegin payda etedi. Onda u’lken en’se tesigi, qi’yali’q, ishki en’se qi’ri’, ishki esitiw joli’, moyi’nti’ri’q tesigi, til asti’ nerv kanali’ ha’m sigma ta’rizli sinus qari’qshasi’ bar.

Jan’a tuwi’lg’an balalarda bas su’yegi tiykari’ni’n’ ishki ju’zesinde aldi’ng’i’ bas woyi’qshasi’ sali’sti’rmali’ ken’ ha’m qi’sqa boladi’. Oni’n’ tu’bi jalpaq, barmaq izleri bolmaydi’. Soqi’r tesigi u’lken. Orta bas su’yegi oyi’qshasi’nda ji’rti’q tesigi bolmaydi’. U’lken qanatlari’ denesi menen birikpegen boladi’. Arqa bas su’yegi oyi’qshasi’ jalpaq, qi’yali’q gorizontal jaylasqan. Atanaq ta’rizli to’belik jaqsi’ bilinbeydi. Erte balali’q da’wirinde aldi’ng’i’ bas oyi’qshasi’ uzi’ni’na, orta ha’m arqa oyi’qshalari’ uzi’ni’na ha’m enine u’lkeyedi. Aldi’ng’i’ oyi’qshada metopik tigis pitip, worni’nda man’lay qi’ri’ payda boladi’. Arqa bas oyi’qshasi’nda atanaq ta’rizli to’beliktin’ du’zilisi juwmaqlanadi’. Balali’qti’n’ birinshi da’wirinde aldi’ng’i’ bas oyi’qshasi’ ko’bi rek kesesine, orta ha’m arqa oyi’qshalari’ bolsa bir tegis o’sedi.

Su’yeklerdin’ relefi ku’sheyip tigisleri ani’q bilinedi. Soqi’r tesik jawi’la baslaydi’. Qi’yali’q uzayi’p vertikal halda boladi’. Yen’se su’yeginin’ bo’limleri bir-biri menen birigedi. Balali’qti’n’ yekinshi da’wirinde bas shuqi’rshalari’ ko’birek yenine o’sedi. Su’yekler relefi ku’sheyedi. Bas su’yeginin’ bet-ju’z bo’liminin’ aldi’ng’i’ ju’zesinde ko’z kesesi, muri’n bosli’g’i’, qaptal ju’zesinde sheke, sheke asti’ ha’m qanat-tan’lay oyi’qshalari’ jaylasqan.

Paydalanilgan adebiyat

AHMEDOV A.G'. ADAM ANATOMIYASI'