Ózbekstan Respublikası Xalıq bilimlendiriw ministrligi tárepinen

16-§. Kletkalar evolyuciyası
Eukariot kletkalardıń kelip shıǵıwı.
Biz jerde tirishiliktiń 
qanday baslanǵanlıǵın yamasa dáslepki kletka qashan payda 
bolǵanlıǵı haqqındaǵı anıq maǵlıwmatlarǵa iye emespiz. Biraq, 
jerde hám onıń átirapında atmosferada hár qıylı ximiyalıq 
hám fizikalıq procesler nátiyjesinde ápiwayı organikalıq zatlar 
payda bolǵanlıǵı haqqında shamalawǵa múmkinshilik beriwshi 
júdá kóp dáliller bar. Bul ápiwayı organikalıq zatlardıń óz ara 
tásiri nátiyjesinde quramalı zatlar hám sońınan olardan bolsa 
biz tirishilik dep ataǵan sistema payda bolǵan. Sonıń ushın, 
tirishilik, kletka da óz rawajlanıw tariyxına iye. Paleontologiya 
dálilleri boyınsha, prokariot kletkalar bunnan 3,5 mlrd. jıl burın 
payda bolǵan dep shamalanadı.
Birqansha quramalı dúziliske iye bolǵan eukariot kletkalar 
proka riotlardan kelip shıqqan dep qıyalımızǵa keltiremiz. Bul 
shamalawlardı túsindiriwshi birqatar gipotezalar bar.