Ўзбекистонда хотин-қизлар ҳУҚУҚларини таъминлашнинг ташкилий-ҳУҚУҚИЙ

2.15. Бола парваришлаш таътилидан чиққан аёллар учун кўникиш 
шароитини яратиш масалаларига эътиборнинг сустлиги
Аёлларнинг камситилишига олиб келадиган сабаблардан бири узоқ ўтмишдан сақланиб 
қолган анъана ва одатлардир. Бу сабаблар кўпинча аёлларнинг билим олиш ҳуқуқининг 
амалга оширилишига тўсқинлик қилади. Қизнинг ота­онаси аёлларнинг асосий вази­
фаси яхши эркакка турмушга чиқиб, фарзанд кўриш ва тарбиялаш, оилада саранжом­
саришталикни таъминлаш, деб ҳисоблайди ва қизининг ўқиш ва ишини давом эттири­
шига қаршилик қилади. Шуни таъкидлаш керакки, аёллар бундай муносабатни эркаклар 
томонидан ҳам кўрадилар. Таълим муассасаларида ўқиётган ёки ишлаётган қизлар, тур­
мушга чиққач, эрининг ёки бошқа қариндошларининг талабига кўра ўқиш ёки ишини 
ташлайди. Лекин, шунга қарамай, аёлларнинг таълим соҳасидаги камситилиши сабаби­
ни фақат мавжуд анъана ва одатларда деб билиш нотўғри. Хотин­қизларни камситишга 
ушбу соҳага оид қонунчиликдаги номукаммаллик ҳам сабаб бўлиши мумкин.
Ижтимоий тадқиқотлар шуни кўрсатадики, хотин­қизларнинг таълим соҳасидаги 
ўзлаштириш даражаси ўрта ҳисобда эркакларникига қараганда анча юқори. Хотин­қизларга 
иш фаолиятининг бошида ҳеч қандай эътироз бўлмайди. Лекин бола туғилиши билан 
ҳамма нарса ўзгаради. Табиийки, аёл қонунчиликда белгиланган болани икки ёшгача пар­
варишлаш бўйича бериладиган таътилни олиш ҳуқуқидан фойдаланса, бу давр мобайнида 
муайян даражада касб малакасини йўқотади. Малаканинг етарли эмаслиги бажарилаётган 
ишнинг сифатига таъсир қилади ва натижада меҳнат шартномаси бекор қилинган шахслар 
орасида болани уч ёшгача парваришлаш таътилидан чиққан аёллар сони кўпчиликни таш­
кил қилади. Бу ҳолат таътилдан чиққан аёлларнинг малакасини ошириш ёки қайта тайёр­
лаш имконияти қонунчилик билан тартибга солинса, ижобий томонга ўзгарган бўлар эди.
2.16. Шифокорлик сирини ошкор қилмасликка оид талабнинг