“Ўзбекистон темир йўлари” датк

2. Локомотивларнинг Б-А-В айланма участкаларида экипировкалаш графигини ишлаб чиқиш.


2.1Умумий қоидалар

Экипировкалаш деб локомотивни рейсга тайёрлашда унинг агрегатлари нормал фаолияти учун бажариладиган комплекс амаллар ва материаллар билан таъминлашга айтилади.

Турли турдаги локомотивлар учун экипировка амалларининг рўйхати 2.1-жадвалда келтирилган.

2.1-жадвал

Амал	Электровоз	Тепловоз	Амал	Электровоз	Тепловоз
Локомотивни таъминлаш: Ёнилғи билан Сув билан Қум билан Мой билан Қуйқа ҳосил бўлишига қарши қўшиладиган қўшимча Артиш материаллари	- - + + - +	+ + + + + +	Рейсга тайёрлаш Ташқи тозалаш ва ювиш ТЭД ва аппаратураларни сиқилган ҳаво билан пуфлаш, 180^0га буриш Рейсдан аввал кўрикдан ўтказиш	+ + +^* +	+ + +^* +
* - Махсус кўрсатма бўйича

2. 
   Ишни бажариш тартиби
   

Кўпгина экипировка ишлари ТХК-2 ёки ТХК-3 билан қўшиб, локомотивларнинг асосий ёки айланма деполарда бўлиш вақтида ўтказилади. Фақат ёнилғи, сув ва қум билан таъминлаш участкасининг оралиқ станцияларида бажарилиши мумкин. Локомотивларни тўлиқ ва қисман экипировкалаш турлари бор. Тўлиқ экипировкада бир вақтнинг ўзида (локомотив ҳолатини экипировка ҳолатида ўзгартирмасдан) ёнилғи, сув, қум ва мойлаш материаллари, электровозлар эса қум ва мойлаш материаллари билан таъминланади. Локомотив сиқилган ҳаво билан пуфлаш ва ювиш алоҳида ҳолатда таъминланади. Локомотивнинг эксплуатация жараёнида турли секцияларини ёки ўркачнинг ёйилиши билан боғлиқ ҳолларда ёки бандажнинг бир томонлама ёйилишида уни 180^о га буриш зарурати туғилади, бу иш ҳам алоҳида ҳолатда амалга оширилади. Шундай қилиб, тўлиқ экипировкада ҳолатлар сони 3 тага тенг.
Локомотивни экипировкалаш вақти айнан экипировкага сарфланадиган вақт t_эк тайёрлов якунлов вақти t_с локомотивнинг экипировка пайтида депо ёки станция йўлларида юриш вақти t_пз шунингдек ҳужжатларни расмийлаштиришга сарфланадиган вақтлардан ташкил топади.
t_эк = t_э+ t_т-я+ t_п+ t_хуж
Экипировка амалларининг ўртача вақти (дақиқаларда)
Қумдоннинг ўртача сиғими қуйидагича бўлганида қум билан таъминлаш
0.5м³ 4...5
1,0м³ 7…8
1,5м³ 9…12
Мойлаш ва артиш материаллари билан таъминлаш 5…8
Ёнилғи билан таъминлаш 13…18
Сув билан таъминлаш 10
180^о га буриш 3…8
Локомотивни тозалаш, ювиш 10…20
Локомотив паркидан яхши фойдаланиш учун экипировкалаш давомийлиги минимал даражага келтирилиши керак.
Бунинг учун ишларни механизациялаш ва автоматлаштириш билан бир вақтда битта экипировка ҳолатида имкон борича кўпроқ амалларни бажариш талаб этилиб, бу ўз навбатида локомотивлар айланмаси вақтини қисқартириб, унинг фойдали иш вақтини орттиради.
Экипировкани тўлиқ (қисман) бажариш тартиби ва уни ТХК-2 билан қўшиб ўтказилиши локомотивлар айланмасини танлаб олиш схемасига асосан (1-иш), ТХК-2 ўтказиш вақтида эса ДАТК меъёрлари асосида олиб борилади.
Локомотивларни экипировкалаш вариантлари ва уни ТХК-2 билан бирга қўшиб олиб бориш жараёни 2.1 ва 2.2-расмларда келтирилган.

2.1-расм. Тепловознинг тўлиқ экипировкаси (ТХК-2 сиз)

	2.2. расм ТХК-2 ни экипировка билан бажарилиши графиги