Ўзбекистон тарихи хрестоматия

ОЛТИНЧИ КИТОБ
IV 
2. ...Партавларга келсак, улар римликларга қўшни ва жуда қудратли 
бўлишларига қарамай, римликларнинг ва уларнинг ҳозирги ҳукмдорларининг 
устунлиги олдида шундай бўйин эгдиларки, бир вақтлар римликлар устидан 
қозонган ғалабаларининг рамзи сифатида олган ўлжаларини Римга элтиб 
бердилар. Боз устига, Фраат ҳатто Август Цезарга ўз болаларини ва 
болаларининг болаларини ишониб топшириб қўйди ва бундай шарафли гаров 
билан ўзининг Август билан “дўстлигини” таъминлади. Энди партавлар Римга 
тез-тез келиб, ҳатто ўзларига подшоҳ сўрайдилар ва ўзларининг барча 
қудратларини римликларга топширишга деярли тайёрлар. 
ЕТТИНЧИ КИТОБ 
III. 12. ...Бу мамлакатнинг
3
қадимдан сақланган бошқача бўлиниши ҳам 
бор: унинг аҳолисининг баъзисини дакияликлар, бошқасини гетлар деб 
атайдилар; гетлар деб Понт тарафидаги ва шарқдагиларни, дакияликлар деб эса 
қарама-қарши, Германия ва Истрнинг ирмоқлари тарафдагиларни атайдилар. 
Дакияликлар, менинг фикримча, қадимда давлар деб аталганлар. Бу ердан 
Аттикада кенг қўлланилган Гета ва Дов қуллар номлари келиб чиқади. Ахир, у 
ерда қулларни улар олиб келинган мамлакатлар номлари билангина атар 
эдилар... 
ЎН БИРИНЧИ КИТОБ
VI 
1. Осиёнинг иккинчи қисми Каспий денгизидан бошланади, унда 
биринчи қисми тугайди. Уни яна Гиркан денгизи деб атайдилар. Ушбу денгиз 
ва унинг бўйларида яшовчи халқлар ҳақида мен бошидан сўзлашим керак. 
1
1 газ 0,492 метрга тенг.
2
Матннинг шу ерида кўриш мумкинки, ҳозир Орол денгизига тушадиган Ўкуз (юнонча Окс– Амударё шундан) 
қадимда Каспий денгизига тушган ва унда кемалар бемалол юра олган. Ҳиндистондан келтирилган товарлар Кура 
(Кира) ва Аракс орқали ғарб мамлакатларига олиб борилган.
3
Яъни, Дакиянинг.

---

247