Ўзбекистон ресубликаси олий ва ўрта махсус таълим вазирлиги

Тармоқли режалаштириш – бу ўқитишнинг комплекс методик усули бўлиб, вақтли ва мантиқий кетма-кетлик жиҳатдан лойиҳани режалаштиришни, комплекс лойиҳанинг алоҳида циклларини график кўрсатиш ёрдамида лойиҳани бошқариш ҳамда назорат қилишни яхшилайди.
Дидактик мақсади. Тармоқли режалаштиришнинг дидактик мақсади, ўз-ўзини ташкил этиш компетенциясини яхшилашдан иборат.
Методик мақсади. Тармоқли режалаштиришнинг методик мақсади, лойиҳаларни самарали (яхши қўйилган, тежамкор, узлуксиз) режалаштириш ва ўтказишдан, шунингдек, умумий муваффақиятни назорат қилишдан иборат.
Синоними. Лойиҳа менежменти учун инструмент ёки ёрдамчи восита.
Вариантлари: катталашган тармоқли график, қисмлашган тармоқли график, оралиқ мақсадларни қўйиб чиқиш режаси, стандарт тармоқ графиги, альтернатив тармоқ графиги, бир неча лойиҳалар учун тармоқ графиги, систематик тармоқли режалаштириш.
Аналогик методлари: вазифаларни бажариш муддатлари назорат рўйхати, оператив режа, технологик жараён карточкалари, струк-тограмма, устунли диаграмма (Гант диаграммаси), чизиқли диаграмма (вақт ва йўлни белгиловчи диаграмма)
Асосий белгилари ва асослари. Тармоқли режалаштириш – мураккаб структурали комплекс лойиҳаларни самаралироқ режалаш-тириш, бошқариш ва назорат қилиш воситасидан биридир. Бироқ, бу методни кичик лойиҳа ишларини тайёрлаш ҳамда назорат қилиш учун ҳам қўлланилиши мумкин. Шундай қилиб, тармоқли режалаштириш предмети бўлиб исталган турдаги лойиҳалар ҳисобланади. Лойиҳани оператив ва календар режалаштириш берилган методнинг асосий ташкил этувчилари ҳисобланади. Тармоқли график/режа – лойиҳанинг алоҳида компонентларини уларнинг вақтини ва мантиқий кетма-кетликда график тарзда кўрсатишдир.
Келиб чиқиши. Тармоқли режалаштириш методи франциялик режалаштириш бўйича мутахассислар томонидан катта лойиҳалар доирасида ишлаб чиқилган. Бу вақтга келиб шундай фикр бўлганки, битта тармоқли режалаштириш методи орқали лойиҳани бошқаришнинг барча қийинчиликларини бартараф этиш мумкин. Асосий мақсад бўлиб лойиҳанинг минимал давомийлигини ва унинг жараёнлари кетма-кетлигининг эҳтимолли вариантларини аниқлаш бўлди.