Ўзбекистон ресубликаси олий ва ўрта махсус таълим вазирлиги

1. Умумий ўқув мақсадлари. Ўқув мақсадлари муайян таълим жараёни якунида таълим олувчи томонидан ўзлаштирилиши, янги ҳосил қилиниши лозим бўлган билим, ҳатти-ҳаракат билан боғлиқ бўлган амалий топшириқни уддалай олиш маҳорати, шахсий фазилатлар ва хулқни белгилайди.
Ҳар бир фаннинг ўқув мақсадлари тўғри белгиланиши муҳим аҳа-миятга эга. Умумий ўқув мақсадларнинг мазмуни йўналтирувчи мақсад-лардан келиб чиқиб белгиланади. Умумий ўқув мақсадлари йўналтирувчи мақсадларни аниқлаштиради. Умумий ўқув мақсадлари таълим олувчи муайян махсус фан бўйича эгаллаши лозим бўлган билим, кўникма ва малака ҳақида умумий тасаввурни беради.
Қуйида «Кийимни моделлаштириш ва бадиий безак» фанидан умумий ўқув мақсадлари белгиланган. Таълим олувчилар ушбу фанни ўзлаштиргандан кейин қуйидаги назарий билимларга эга бўлишлари керак:

• 
  кийим моделини яратиш, тарихи, уларнинг вужудга келиши ҳақида маълумотларга эга бўлиши;
  

• 
  мода ва унинг жамоатчилик тарзида вужудга келиши ҳамда «Мода» тўғрисида тушунчага эга бўлиши.
  
• 
  кийим моделини яратиш, бадиий безаш ва ишлаб чиқариш усулларини билиши;
  
• 
  кийим композицияси тўғрисида тушунчага эга бўлиши;
  
• 
  кийим шакллари ва кўринишларини билиши;
  
• 
  кийим моделини яратишда рангларнинг тутган ўрнини тушуниши;
  
• 
  кийим моделини яратишда безак берувчи элементларни билиши.
  

Қуйидаги амалий кўникмаларини эгаллаши керак:

• 
  ўзига хос услубдаги кийим ечимининг турлари, кўринишларини танлай олиши;
  
• 
  кийим композицияларни ишлаб чиқиш;
  
• 
  кийим моделини яратишда безак берувчи элементларни танлаш;
  
• 
  моделни яратишда рангларнинг хусусиятларини танлай олиш;
  
• 
  аёллар енгил кўйлагининг асос ва енг чизмасини ишлаб чиқиш;
  
• 
  кийим қирқимларига ишлов бериш, шим тақилмасига «молния» тасма қўйиб тикиш.
  

Қуйидаги малакаларга эга бўлиш керак:

• 
  кийим композицияларини яратиш;
  
• 
  аёллар юбкасини моделлаштириш;
  
• 
  кийим моделини яратишда аппликация ва гажим тайёрлаш ва безаш;
  
• 
  эркаклар шимини моделлаштириш;
  
• 
  кийимларга безак бериш.