Таянч иборалар
Компьютерли ўқитиш, статистик маълумотлар базаси, интеллект, виртуал талаба, масофавий ўқитиш, мультимедиа, маълумотлар базаси, статистик маълумотлар, иерархик маълумотлар базаси.
Адабиётлар
1.Захарова И.Г. Информационные технологии для качественного и доступного образования // Педагогика.- № 1.- 2002. С.27-33.
2.Абдуқуддусов О.А. Интегратив ёндашув–чуқур билим, яхши фазилатларни шакллантириш омили // Халқ таълими.- 2000.- №3.-Б. 121-123.
3.Олимов Қ.Т. Махсус фанлардан ўқув адабиётлар янги авлодини яратишнинг назарий - услубий асослари. Пед.фан.докт. Диссертацияси. 255 б.
4.Каналина Н.А. Эксперимент в колледже: Проблеми, результатов, переспективи // Профессиональное образование.-2004.- №1.- 13 б.
5.Коростелева Е.А. Формирования профессионально-ценностних ориентаций будушего учителя технологии // Педагогика.- 2003.- № 7.- 2003.- Б. 79 -82.
МУСТАҚИЛ ВА ИЖОДИЙ ИШЛАШ
ФАОЛИЯТЛАРИНИ РИВОЖЛАНТИРИШГА
ҚАРАТИЛГАН МАШҒУЛОТЛАРНИ ТАШКИЛ ЭТИШ
ҲАМДА ЎТКАЗИШ ТЕХНОЛОГИЯСИ
Т алабаларда мустақил ва ижодий ишлаш фаолиятларини ривожлантиришга қаратилган машғулотларни ташкил этиш ҳамда ўтказиш технологиясининг аҳамияти, мазмуни ва ўзига хос хусусиятлари ҳақида билимларни шакллантириш
АСОСИЙ МАЪЛУМОТЛАР
Ўтказилган назарий ва амалий изланишлар, ҳамда олий таълим муассасалардаги таълим жараёнини ўрганиш шундан далолат берадики, биз бугун талабани мустақил бўлишга ва ўрганишга қандай қилиб ўргатишимиз ҳақида ўйлашимиз керак.
Масалан, ўқув хонасида ҳамма банд. Талабалар гуруҳ-гуруҳ бўлиб ишлашмоқда. Талабалар учун ўқув адабиётлари етарли. Бир талаба нимадир ўқияпти. Иккинчиси берилиб дафтарларига бир нималарни ёзмоқда. Умуман ўқув хонасида ҳамма қандайдир иш билан бандлиги сезилиб турибди.
Ушбу дарс шаклини кузатиб беихтиёр савол туғилади – ўқитувчи қани, агар талабалар мустақил ишлаётган бўлсалар ўқитувчи нима билан машғул? У талабаларни мунтазам назорат қилиш ва уларга нима қилиш кераклиги тўғрисида қатъий кўрсатмалар бериш керак эмаслигига қандай қилиб эришди. Бу ҳолатда шундай фикр туғилиши мумкин. «Қандай онгли талабалар! Ўқитувчининг омади бор экан». Аммо реал таълим шароитида талабаларнинг онгли ва фаол бўлишлари бу-ўқитувчи ишининг самарасидир.
Масалан: Мустақил билим олиш ва ўрганишда талабалар ҳаракати гуруҳдаги талабалар қуйидаги тартибда бўлиши мумкин:
Талабалар кичик гуруҳларга бўлинади (одатда 3-4 та)
Ҳар бир кичик гуруҳ ўтилган мавзулар бўйича бир нечта савол (ёки топшириқ)лар тузадилар.
Сўнгра гуруҳлар ўзаро саволлар билан алмашадилар.
Гуруҳлар «рақиб» гуруҳ тузган саволларга жавоб берадилар ва энг кўп саволга тўғри жавоб берган гуруҳ муваффақият қозонган деб ҳи-собланади.
Демак, талабаларнинг мустақил ва ижодий ишлаш фаолиятларини ривожлантиришга қаратилган машғулотларни самарали ташкил этиш ўқув жараёнининг муҳим омилларидан бири бўлиб ҳисобланади.
Биз томондан таълим олувчиларнинг мустақил ва ижодий ишлаш фаолиятларини ривожлантириш бўйича машғулотларни ўтказиш жараёни модели (Схемага қаранг) ишлаб чиқилди. Ушбу моделнинг ҳар бир компоненти моҳиятига тўхталамиз.
Таълим олувчиларнинг мустақил ва ижодий ишлаш фаолиятларини ривожлантириш бўйича машғулотларни ўтказиш жараёни модели
Do'stlaringiz bilan baham: |